5 qarasha kúngi aýa raıy boljamy
NUR-SULTAN. QazAqparat – 5 qarasha kúni Qazaqstannyń basym bóliginde qubylmaly kún raıy saqtalady. Bul, Ońtústik Kaspıı tsıklonymen jáne atmosferalyq fronttarmen baılanysty. Osyǵan oraı, jekelegen óńirlerde jaýyn-shashyn bolady. Ońtústik-shyǵysta túnde qatty jaýyn-shashyn kútiledi. Keı jerlerde ekpindi jel, tuman, kóktaıǵaq, soltústikte jaıaý burqasyn boljanady, dep habarlaıdy QazAqparat.
«Qazgıdromet» RMK málimetinshe, Aqmola oblysynyń jekelegen aýmaqtarynda tuman, kóktaıǵaq kútiledi, jel 15-20 m/s kúsheıip, jaıaý burqasyn júredi.
Qyzylorda, Túrkistan oblystarynda tuman, kóktaıǵaq, 15-20 m/s jyldamdyqtaǵy jel boljanady.
Jambyl, Almaty oblystarynda tuman, kóktaıǵaq kútiledi, jel 15-20 m/s kúsheıedi.
Mańǵystaý, Atyraý, túnde jáne tańerteń Aqtóbe, Soltústik Qazaqstan oblystarynyń keı jerlerinde tuman bolady.
Shyǵys Qazaqstan, kúndiz Batys Qazaqstan oblystarynda jeldiń kúshi 15-20 m/s artady.
