5 qarasha. Kazinform kúntizbesi. Tulǵalar týǵan kún

Saǵyndyq LUQPANOV, Qazaqstannyń memleket qaıratkeri

1960 jyly Atyraý oblysynda týǵan. 1983 jyly Gýrev temir jol tehnıkýmyn, tehnık-elektrık, 1996 jyly Qazaq memlekettik basqarý akademııasy janyndaǵy Almaty naryq ınstıtýtyn, ekonomıka jáne menedjment mamandyǵy boıynsha bitirgen.

Eńbek joly: 1983-1989 jyldary Mańǵyshlaq sıgnal berý jáne baılanys dıstantsııasynyń elektr monteri; elektromehanık, aǵa ınjener, SOB óndiristik ýchaskesiniń basshysy, osy SOB qashyqtyǵynyń Mańǵyshlaq sıgnal berý jáne baılanys dıstantsııasynyń basshysynyń orynbasary, 1991-1999 jyldary Gýrev sıgnal berý jáne baılanys dıstantsııasynyń basshysy, 1999-2002 jyldary Aqjaıyq sıgnal berý jáne baılanystyń bas dıstantsııasynyń dırektory, 2002-2007 jyldary «Qazaqstan temir joly» ulttyq kompanııasy» AQ fılıalynyń dırektory, 2007 jyly «Qazaqstan temir joly» ulttyq kompanııasy» AQ – «Magıstraldyq jeli dırektsııasy» fılıalynyń bas ınjeneri, 2007-2010 jyldary «Atyraý oblysy «Kaspıı» áleýmettik-kásipkerlik korporatsııasy» Ulttyq kompanııasy» AQ ókildiginiń dırektory bolyp qyzmet atqarǵan. 2010 jyly «Kaspıı» áleýmettik-kásipkerlik korporatsııasy» ulttyq kompanııasy» AQ ókildigi tóraǵasynyń orynbasary, 2010-2012 jyldary «Atyraý» áleýmettik-kásipkerlik korporatsııasy» Ulttyq kompanııasy» AQ basqarma tóraǵasy, 2012-2017 jyldary Atyraý oblystyq máslıhatynyń V jáne VI shaqyrylymdarynyń hatshysy, 2017-2018 jyldary Atyraý oblysy ákiminiń birinshi orynbasary, 2018-2020 jyldary «KPI Inc» JShS basqarýshy dırektory boldy, QR Parlamenti Senatynyń depýtaty, Ekonomıkalyq saıasat, ınnovatsııalyq damý jáne kásipkerlik komıtetiniń múshesi (2020-2026).

«Qurmet», «Parasat» ordenderimen, «Qurmetti temirjolshy» belgisimen marapattalǵan.

Gúlnar DÝSMATOVA, Qazaqstan kınematografııashylar odaǵynyń múshesi, Qazaqstannyń halyq ártisi, aktrısa

1964 jyly Almaty qalasynda týǵan. Ál-Farabı atyndaǵy Qazaq ulttyq ýnıversıtetin bitirgen.

1985 jyldan «Qazaqfılm» kınostýdııasynyń aktrısasy. Kınodaǵy alǵashqy eleýli róli – «Daladaǵy qýǵyn» fılmindegi Áıgerim. 20-dan astam fılmge túsken. Onyń ishinde «Jeńimpaz», «Merekeniń úsh kúni», «Kardıogramma», «Adam taǵdyry», otandyq teleserıal «Toǵysqan taǵdyrlar» jáne basqalar bar. 

Adam taǵdyry» fılmindegi róli úshin 1985 jyly Mınskide (Belarýs) ótken Búkilodaqtyq kınofestıvalda «Eń úzdik áıel beınesi» júldesin ıelengen.

2000 jyly «Jyl tańdaýy» baıqaýynda «Jyldyń úzdik aktrısasy» atandy.

«Qurmet» ordenimen marapattalǵan (2025).

Bolat JUMABEKOV, Ulytaý oblysy ákiminiń orynbasary

1972 jyly Aqmola oblysynyń Kýıbyshev aýylynda dúnıege kelgen. Aqmola aýyl sharýashylyǵy ınstıtýtyn agronom mamandyǵy boıynsha bitirgen (1995), M. Qozybaev atyndaǵy Soltústik Qazaqstan memlekettik ýnıversıtetin zań bakalavry mamandyǵy boıynsha bitirgen (2006).

Eńbek joly: «K.S.Jumabekov» sharýa qojalyǵynda agronom (1995-1997); Tımırıazev aýdany ákimi apparatynda bas jer ólsheýshi (1997-1998); Tımırıazev aýdandyq jer resýrstaryn basqarý komıtetiniń bas mamany (1998-1999); Jer resýrstary jónindegi memlekettik ǵylymı-praktıkalyq ortalyǵynyń jer-kadastr bıýrosynyń basshysy (1999); Tımırıazev aýdany boıynsha aýyl sharýashylyǵy departamentiniń bas jer ólsheýshisi (1999); Tımırıazev aýdanynyń jer resýrstaryn basqarý komıtetiniń tóraǵasy (1999-2005); Tımırıazev aýdanynyń aýyl sharýashylyǵy jáne jer qatynastary bóliminiń basshysy (2005-2007); Soltústik Qazaqstan oblysy Tımırıazev aýdanynyń ákimi (2007-2009); Soltústik Qazaqstan oblysy ákimi apparatynyń basshysy (2009-2011); Qazaqstan Respýblıkasy Soltústik Qazaqstan oblysy ákiminiń orynbasary (2011-2012); Petropavl qalasynyń ákimi (2012-2013); JELS-ASTANA JShS kommertsııalyq dırektory (2014); Soltústik Qazaqstan oblysy Qyzyljar aýdanynyń ákimi (2014 – 2018); Soltústik Qazaqstan oblysy Ǵabıt Músirepov aýdanynyń ákimi (2018-2019); Petropavl qalasynyń ákimi (2019-2022); «QazAgrEks» AQ basqarma tóraǵasy (2024-2026).

Qazirgi qyzmetin 2026 jyldyń maýsymynan beri atqaryp keledi.

Sáýle NURǴOJINA, QR Úkimeti apparatynyń óńirlik ınspektory

1974 jyly Aqmola oblysynda dúnıege kelgen. Sh.Ýálıhanov atyndaǵy Kókshetaý ýnıversıtetin; QR Qarjy polıtsııasy akademııasyn; QR Prezıdenti janyndaǵy Memlekettik basqarý akademııasyn bitirgen, Memlekettik jáne jergilikti basqarý magıstri.

Eńbek joly: býhgalter (1991); «Gorkommýnhoz» memlekettik kásipornynyń aýmaqtyq komıtetiniń tóraǵasy (2000); Astana qalasy Saryarqa aýdany ákimi apparatynyń ishki saıasat jáne áleýmettik sala bóliminiń jetekshi mamany, bas mamany; Astana qalasy Saryarqa aýdany ákimi apparatynyń ishki saıasat jáne kásipkerlikti qoldaý bóliminiń meńgerýshisi (2003-2005); Astana qalasy Saryarqa aýdany ákimi apparatynyń áleýmettik sala jáne kásipkerlik bóliminiń meńgerýshisi (2005-2012); Astana qalasy Saryarqa aýdany ákiminiń apparat basshysy (2012); Astana qalasy Saryarqa aýdany ákiminiń orynbasary (2012-2015); Astana qalasy Jumyspen qamtý jáne áleýmettik qorǵaý departamenti basshysynyń orynbasary (2015-2019); Astana qalasy Jumyspen qamtý jáne áleýmettik qorǵaý departamentiniń basshysy (2019); QR Prezıdenti Ákimshiliginiń memlekettik ınspektory.

«Qazaqstan Respýblıkasynyń 20 jyldyǵy» mereıtoılyq medalimen marapattalǵan (2011).

Rýslan KENJEBEKOV, Qaraǵandy oblysy ákiminiń orynbasary

1978 jyly Qaraǵandy ​​oblysy, Aqtoǵaı aýdany, Qyzylaraı aýylynda dúnıege kelgen. E.A.Bóketov atyndaǵy Qaraǵandy ​​memlekettik ýnıversıtetin quqyqtaný mamandyǵy boıynsha bitirgen (1999); Qaraǵandy ​«Bolashaq» ýnıversıtetin bitirgen, ekonomıka jáne bıznes bakalavry; QR Joǵarǵy Soty janyndaǵy Ádilet akademııasyn bitirgen (2017), quqyq magıstri.

Eńbek joly: L.N.Gýmılev atyndaǵy Eýrazııa ýnıversıtetiniń qylmystyq quqyq jáne is júrgizý kafedrasynyń oqytýshysy (2000); Qaraǵandy ​​oblysy Abaı aýdandyq bilim berý bóliminiń mektep ádiskeri (2002); Qaraǵandy ​​oblysy Abaı aýdany ákimi apparatynyń bas sport mamany (2002-2004); Qaraǵandy ​​qalasy, Qaraǵandy ​​oblystyq týrızm jáne sport komıtetiniń Balalar men jasóspirimder sporttyq jekpe-jek óneri mektebiniń sambo jattyqtyrýshysy jáne muǵalimi (2004-2005); Temirtaý qalasy Ádilet departamentiniń uıymdastyrýshylyq, baqylaý jáne kadr jumysy bóliminiń normatıvtik quqyqtyq aktilerdi tirkeý bóliminiń jetekshi mamany (2005-2007); Qaraǵandy ​​oblysy Ádilet departamentiniń Temirtaý qalasy Ádilet departamenti basshysynyń orynbasary (2007-2008); Qaraǵandy ​​oblysy Ádilet departamentiniń uıymdastyrýshylyq, baqylaý jáne kadr jumysy bóliminiń basshysy (2008-2009); Qazaqstan Respýblıkasy Joǵarǵy Soty janyndaǵy Sot ákimshiligi komıtetiniń ishki ákimshilik bóliminiń bas sarapshysy (2009); Balqash qalasy, «Orıon-04» JShS dırektorynyń orynbasary (2009); Qaraǵandy ​​oblysy Ulytaý aýdandyq №2 sotynyń keńse meńgerýshisi (2009-2010); QR Premer-Mınıstri Keńsesiniń Qorǵanys jáne quqyq qorǵaý bóliminiń bas konsýltanty (2010-2012); Básekelestikti qorǵaý agenttiginiń Qaraǵandy ​​oblysy boıynsha monopolııaǵa qarsy ınspektsııasy bastyǵynyń orynbasary (2012-2013); QR Básekelestikti qorǵaý agenttiginiń Qaraǵandy ​​oblysy boıynsha monopolııaǵa qarsy ınspektsııasynyń bastyǵy (2013-2014); QR Ulttyq ekonomıka mınıstrliginiń Qaraǵandy ​​oblysy boıynsha Tabıǵı monopolııalardy retteý, básekelestikti jáne tutynýshylardyń quqyqtaryn qorǵaý departamenti bastyǵynyń orynbasary (2014-2018); QR Ulttyq ekonomıka mınıstrliginiń Almaty oblysy boıynsha Tabıǵı monopolııalardy retteý, básekelestikti jáne tutynýshylardyń quqyqtaryn qorǵaý departamentiniń bastyǵy, Taldyqorǵan (2018-2019); QR Ulttyq ekonomıka mınıstrliginiń Adamı resýrstar departamentiniń dırektory (2019); QR Básekelestikti qorǵaý jáne damytý agenttiginiń Qaraǵandy ​​oblysy boıynsha básekelestikti qorǵaý jáne damytý departamentiniń basshysy (2019-2021); Aqmola oblysy ákiminiń keńesshisi (2022); QR Prezıdenti Ákimshiliginiń Memlekettik qyzmet jáne kadr saıasaty bóliminiń konsýltanty (2022-2023); Qaraǵandy ​​oblysy Aqtoǵaı aýdanynyń ákimi (2023-2024); QR Úkimeti Apparatynyń Óńirlik damý jáne baqylaý departamentiniń aımaqtyq ınspektory (2024); «ORKENDEU» bıznes jáne ınfraqurylymdy damytý» zańdy tulǵalar birlestiginiń monopolııaǵa qarsy saıasat komıtetiniń tóraǵasy (2024-2025).

2025 jyldyń shilde aıynan bastap qazirgi qyzmetinde.

Almat ÁBDІKEShOV, depýtat Qazaqstan Respýblıkasy Quryltaıy І shaqyrylymynyń «Ádilet» partııasynan saılanǵan depýtaty

1984 jyly týǵan. O.A.Baıqońyrov atyndaǵy Jezqazǵan ýnıversıtetin (2006) taý-ken ınjeneri mamandyǵymen; Eýrazııa gýmanıtarlyq ınstıtýtyn (2008) ekonomıka mamandyǵymen bitirgen.

Eńbek joly: Jezqazǵan qalasy, Annenskıı kenishi, «Qazaqmys korporatsııasy» Jezqazǵan taý-ken metallýrgııalyq kombınaty aktsıonerlik qoǵamynda birinshi sanatty jerasty kenshisi, ekinshi sanatty jerasty kenshisi (2004-2005); Qazaqstan Respýblıkasy Indýstrııa jáne saýda mınıstrliginiń Ónerkásip jáne ǵylymı-tehnologııalyq damý komıtetiniń jáne birneshe departamentteriniń bas mamany, jetekshi mamany, sarapshysy (2007-2010); Qazaqstan Respýblıkasy Indýstrııa jáne jańa tehnologııalar mınıstrligi hatshylyǵynyń sarapshysy, bas sarapshysy (2010-2012); Qazaqstan Respýblıkasy Indýstrııa jáne jańa tehnologııalar mınıstrliginiń Aktıvterdi basqarý departamentiniń damý ınstıtýttarymen jumys jónindegi bóliminiń basshysy (2012); Qazaqstan Respýblıkasy Ekonomıkalyq damý jáne saýda mınıstriniń keńesshisi (2012-2013); Qazaqstan Respýblıkasy Ekonomıka jáne bıýdjettik josparlaý mınıstrliginiń Іshki ákimshilik departamentiniń dırektory (2013-2014); Qazaqstan Respýblıkasy Ulttyq ekonomıka mınıstrliginiń Іshki ákimshilik departamentiniń dırektory (2014-2016); Qazaqstan Respýblıkasy Ulttyq ekonomıka mınıstrliginiń Adamı resýrstar departamentiniń dırektory (2016-2018); Qazaqstan Respýblıkasy Investıtsııalar jáne damý mınıstrliginiń Geologııa jáne jer qoınaýyn paıdalaný komıteti tóraǵasynyń orynbasary (2018-2019); Qazaqstan Respýblıkasy Indýstrııa jáne ınfraqurylymdyq damý mınıstrliginiń Geologııa jáne jer qoınaýyn paıdalaný komıteti tóraǵasynyń orynbasary (2019-2022); Qazaqstan Respýblıkasy Ekologııa, geologııa jáne tabıǵı resýrstar mınıstrliginiń keńse basshysy (2022-2023); «Qazaqmys Barlaý» JShS atqarýshy dırektory.

Qazirgi qyzmetin 2026 jyldyń tamyz aıynan beri atqaryp keledi.

Rahymjan ISAQULOV, QR Ónerkásip jáne qurylys vıtse-mınıstri

1987 jyly týǵan. «Bolashaq» baǵdarlamasy boıynsha Royal Holloway University of London «ekonomıka jáne menedjment bakalavry» mamandyǵy boıynsha, Jas kóshbasshylar baǵdarlamasy aıasynda Japonııa úkimetiniń grantymen Ulttyq aspıranttyq saıası zertteýler ınstıtýtyn memlekettik basqarý magıstri mamandyǵy boıynsha bitirgen.

Eńbek jolyn QR Prezıdenti ákimshiliginde túrli laýazymdardy atqaryp bastady. QR Prezıdenti Ákimshiliginiń memlekettik baqylaý jáne uıymdastyrý-aýmaqtyq jumys bóliminiń memlekettik ınspektory boldy.

2018-2020 jyldary Batys Qazaqstan oblysy ákimi apparatynyń basshysy, 2020 jyly QR Aqparat jáne áleýmettik damý mınıstriniń keńesshisi, 2020-2022 jyldary Astana qalasy ákimi apparatynyń basshysy, 2022-2023 jyldary QR Aqparat jáne áleýmettik damý mınıstrliginde Apparat basshysy qyzmetin atqardy.

2024 jyldyń qarasha aıynan bastap qazirgi qyzmetinde.

Sabına ALTYNBEKOVA, qazaq voleıbolshysy, voleıboldan Qazaqstan ulttyq quramasynyń múshesi

1996 jyly Aqtóbe qalasynda týǵan. Ál-Farabı atyndaǵy qazaq ulttyq ýnıversıtetiniń deneshynyqtyrý fakýltetin bitirgen.

Sporttyq mansaby: U-19 Azııa voleıbol chempıonatynda komanda kapıtany (2012); U-23 Ulttyq lıga komandasynyń kapıtany (2013-2015); 17-shi Azııa jasóspirimder voleıbol chempıonaty (2014); Japonııa áıelder lıgasynyń oıynshysy, «GSS Sunbeams» komandasy (2015); áıelder arasyndaǵy Ulttyq lıganyń oıynshysy, «Almaty» VK (2016-2019); áıelder arasyndaǵy Arab lıgasynyń oıynshysy, Arab lıgasynyń chempıony, «Al wasl» komandasy (2019-2020); Arab lıgasynyń oıynshysy, «Al wasl» komandasy (2022); Arab lıgasynyń chempıony, «Al wasl» (2022-2023); Indonezııanyń «Yogya Falcons» klýbynyń kapıtany (2024-2025).

Sabına Altynbekova 2014 jyly búkil álemge tanymal boldy. Azııa jasóspirimder chempıonatynda týrnırdiń basty juldyzyna aınaldy.