5 qańtarda el aýmaǵynyń basym bóliginde jel kúsheıip, tuman túsedi
ASTANA. QazAqparat - 5 qańtarda Qazaqstannyń basym bóliginde aýa raıy qubylmaly bolady, qar jaýady, dep habarlaıdy QazAqparat Qazgıdrometke silteme jasap.
Respýblıka boıynsha keı jerlerde kóktaıǵaq, tuman kútiledi, jel kúsheıedi.
Almaty oblysynyń Jalańashkól aýdanynda jel 15-20, ekpini 25 m/s jetedi, túnde jáne tańerteń keı jerlerde tuman túsýi yqtımal.
Túrkistan, Mańǵystaý, Batys Qazaqstan oblystarynyń keı jerlerinde tuman kútiledi, jel 15-20 m/s kúsheıedi.
Jambyl, Qyzylorda oblystarynyń keı jerlerinde tuman túsip, kóktaıǵaq bolady, jeldiń jyldamdyǵy 15-20 m/s jetedi. Shyǵys Qazaqstan oblysynyń keı jerlerinde burqasyn, tuman kútiledi, jel 15-20 m/s kúsheıedi.
Atyraý oblysynyń keı jerlerinde tuman, kóktaıǵaq bolady.
Aqmola, Aqtóbe, Qostanaı, Soltústik Qazaqstan, Pavlodar, Qaraǵandy oblystarynyń keı jerlerinde tuman túsýi múmkin.
