№5 qalalyq emhanada elektrondyq kezek júıesi engizildi

ASTANA. 15 qańtar. QazAqparat - №5 qalalyq emhanada eresekter korpýsynyń tirkeý ornynda elektrondyq kezek júıesi jumys isteı bastady.

Bul týraly astana.kz saıtyna Astana qalasynyń Densaýlyq saqtaý basqarmasynyń Innovatsııalyq tehnologııalar, monıtorıng jáne taldaý bóliminen habarlady.

«Bul jańalyq medıtsınalyq qyzmet kórsetý sapasyn jaqsartý jáne emhanadaǵy kezekti qysqartý maqsatynda jasalyp otyr», - deıdi basqarmadan.

Kelýshilerge 35 otyratyn oryn daıyndalǵan. Tirkeý ornynda 5 tereze jumys isteıdi. Olardyń 1-i - anyqtama qyzmeti jáne 4 tereze - mamandar men dıagnostıkalyq zertteýlerge jazylýǵa arnalǵan.

№5 Qalalyq emhanada zamanaýı dıagnostıkalyq apparatýra, jańa klınıkalyq zerthana, eseptegish jáne derektermen almasý kompıýter júıesi bar. Munyń bári barynsha sapaly qyzmet kórsetýge múmkindik beredi.

Densaýlyq saqtaý basqarmasy habarlaǵanyndaı, «№5 Qalalyq emhana» MKQK Astanadaǵy elektrondyq kezek júıesi iske qosylǵan jalǵyz medıtsınalyq mekeme. Alaıda, bul júıe taıaý ýaqytta qalanyń barlyq emhanalarynda jumys isteıtin bolady.