5 qalada​ qandastarǵa arnalǵan front- ofıster ashyldy

NUR-SULTAN. QazAqparat - Elimiz boıynsha atamekenge ​ oralǵan baýyrlardyń qujattaryn zańdastyrýǵa jáne qandastardyń​ kez-kelgen túıitkildi máselelerin sheshýge kómektesetin «Otandastar qorynyń» biryńǵaı aqparattyq ortalyǵy jumys istep tur, dep habarlaıdy QazAqparat.

Bul ortalyq​ ​ oralman kýáligin alý,​ elimizde turaqty turýǵa ruqsat alý jáne azamattyq alý úshin qujattar jınaý úderisine zańdyq jáne aqparattyq jaǵynan jedel keńes beredi. Onyń quramyna kiretin front- ofıster qandastardy alańdatqan máselelerdi anyqtap,tıisti mekemeler arqyly tez sheshýge kómektesedi.Buǵan qosa qandastarymyzǵa​ jumys ótiline qaraı zeınetaqy tóleý, sondaı—aq, óńirlik kvotaǵa engizilgen aǵaıyndarymyzǵa ​ kóship kelý​ jol shyǵyndaryn óteý​ jáne úı jaldaýǵa sýbsıdııa berý jaıynda da aqparat alýǵa bolady.

«Atameken» UKP, «QazAgro» holdıngi, «Damý» qory, «Kazakh invest» ulttyq​ kompanııasy arqyly​ ​ qandastarymyzdyń qandaı nesıeler alyp, kásipkerlik jobalardy júzege asyrýǵa bolatyny týraly da keńester beriledi.​ «Otandastar qory» men «Dúnıejúzi qazaqtary qaýymdastyǵynyń»​ óńirlerdegi ókildigi sanalatyn front-ofıster elimizdiń 10 qalasynda ashyldy. Ótken jyly 5 qalada ashylsa, jańa jyldan bastap taǵy 5 qalada iske kiristi. 2019 jyly 1404 nómirli aqparattyq ortalyqqa 2640 qandasymyz qońyraý shalyp, habarlassa, front-ofısterge 1587 qandasymyz qabyldaýǵa keldi. Olar kótergen máseleler quzyrly mekemelerge jiberilip, jedel sheshimin tapty. Aqparattyq ortalyqqa mobıldi jáne qalalyq telefondar arqyly 1404 nómirine habarlasýǵa bolady.