5 qalada aýa sapasy nasharlaıdy- Qazgıdromet
ASTANA. QazAqparat - Jeksenbi, 24 aqpan kúni elimizdiń 5 qalasynda aýa sapasy nasharlaıdy, dep habarlaıdy QazAqparat.
«Qazgıdromet» RMK-nyń málimetine sáıkes, Aqtaý, Qaraǵandy, Qyzylorda, Taldyqorǵan jáne Shymkentte jaǵymsyz meteorologııalyq jaǵdaı qalyptasady.
Qazaqstannyń ózge qalalarynda atmosferalyq aýanyń lastanýy kútilmeıdi.
Qolaısyz meteorologııalyq jaǵdaılar - atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.
