5 qabattan qubyrmen túspek bolǵan: Polıtsııa qostanaılyq boıjetkenniń ólimine qatysty túsinik berdi

QOSTANAI. QazAqparat — Búgin Qostanaıda turǵyn úıdiń besinshi qabatynan qulap, mert bolǵan Qostanaıdyń 23 jastaǵy turǵynyna qatysty oblystyq polıtsııa departamentiniń baspasóz qyzmeti túsinik berdi, dep habarlaıdy QazAqparat tilshisi.

«Qostanaı polıtsııa basqarmasynyń 102 nómirine 30 qarasha saǵat 05.20 shamasynda qońyraý tústi. Qazirgi málimet boıynsha, 23 jastaǵy boıjetken sý qubyry arqyly besinshi qabattan túspek bolǵan. Alaıda, qulap ketken. Jedel járdem kelgenge deıin kóz jumǵan», - dedi departamentten.

Qazirgi ýaqytta oqıǵanyń mán-jaıy anyqtalyp jatyr.

Eske salaıyq, buǵan deıin Qostanaıda boıjetkenniń besinshi qabattan qulap, mert bolǵanyn habarlaǵan edik.

Avtory Janna Musabaeva