5 ınstıtýtsıonaldy reformany júzege asyrý úshin bárimiz judyryqtaı jumylýymyz kerek - Á.Sqaqov

ASTANA. QazAqparat - Búgin Astana qalasynyń Memlekettik kirister departamentinde Memleket basshysy N.Nazarbaevtyń 5 ınstıtýtsıonaldy reformasyn júzege asyrý jónindegi 100 qadamnyń negizgi mindetterin túsindirý úshin óndiristik keńes ótti.

"Kún tártibindegi mańyzdy máseleniń biri - aldaǵy ýaqytta osy bes ınstıtýtsıonaldy reformany tájirıbede qalaı júzege asyramyz degen másele, ıaǵnı, uıymdastyrý jumystaryna qatysty bolyp otyr. Bul iri joba memlekettik qyzmetti reformalaý men Qazaqstandy damyǵan 30 eldiń qataryna qosýǵa da qatysty. Sondyqtan, osy maqsatty júzege asyrýymyz úshin biz judyryqtaı jumylýymyz kerek",-dedi jýrnalısterge oıyn aıtqan Memlekettik kirister departamentiniń basshysy Ábilqaıyr Sqaqov.

Onyń aıtýynsha, bul bes reforma barlyq salany qamtıdy.

"Reforma aıasynda memlekettik organdar men memlekettik qyzmetkerlerdiń jumys tıimdiligi artady, eńbekti baǵalaýdyń jańa shkalasy belgilenedi, sondaı-aq sot salasy da jaqsarady. Sondyqtan, bul reformalar barlyq salany qamtıtyn reforma",-dep túıindedi sózin ol.