5 ınstıtýtsıonaldy reforma aıasynda ishki saıasat baıypty ózgeriske ushyraıdy - Elbasy
«Jalpy, eń qaýiptisi - memlekette qandaı da bir jańa burylys jasaý. Menińshe, búgingi kúnge deıin jasalǵan memleketti qurý, saıası reformalardy júzege asyrý jónindegi is-qımyl jospary bar. Keshegi saılaý halyqtyń sol baǵdardy qoldaıtyndyǵyn taǵy márte qýattady. Sondyqtan da ishki saıasatty, syrtqy saıasatty ózgertýdiń esh qajeti joq», - dedi Elbasy.
Degenmen, QR Prezıdenti ishki saıasat 5 ınstıtýtsıonaldy reforma aıasynda aıtarlyqtaı baıypty ózgeriske ushyraıtynyn atap ótti.
«Bul memlekettik shyǵystardy da talap etedi. Jańa kadrlardy daıyndaý, barlyq irikteý, attestatsııadan ótkizýdi qajet etedi. Halyq memleketke qyzmet eńbekpen keletindigin ashyq kórýi tıis», - dedi Memleket basshysy.
Elbasy óz sózinde avtonomdy bolatyn úkimet konıýnktýraǵa yqpal etpeıtindigin, al saıası qyzmetshiler saılanatyndyǵyn aıtty. «Qalǵanyn buǵan deıin qalaı júrgizsek, solaı júrgize beremiz. Óıtkeni, dál osyny halyq qoldaǵan bolatyn», - dedi QR Prezıdenti.