5 eldiń prezıdentteri bekire tuqymdas balyqtardy tabıǵı ortaǵa jiberý sharasyna qatysty

ASTANA. QazAqparat - Qazaqstan Prezıdenti Nursultan Nazarbaev bekire tuqymdas balyqtardy tabıǵı ortaǵa jiberý sharasyna qatysty, dep habarlaıdy Aqordanyń resmı saıty.

Nursultan Nazarbaev Ázerbaıjan Respýblıkasynyń Prezıdenti Ilham Álıevpen, Iran Islam Respýblıkasynyń Prezıdenti Hasan Rýhanımen, Reseı Federatsııasynyń Prezıdenti Vladımır Pýtınmen, Túrikmenstan Prezıdenti Gýrbangýly Berdimuhamedovpen birge Aqtaý qalasynyń teńiz jaǵalaýy arqyly ótetin jańa nysandy - «Jartas jolyn» aralap kórdi.

Bul kórikti jerde petroglıfter beınelegen, sondaı-aq munda jaıaý júrginshilerge arnalǵan oryndar, teńiz kórinisin tamashalaýǵa arnalǵan alańdar men tabıǵı úńgir ornalasqan.

Sonymen qatar, memleketter basshylary birlesip, qoldan ósirilgen 500 aqserke balyǵyn teńizge jiberdi.

Sondaı-aq, elder kóshbasshylary shyǵys ertegileriniń jelisindegi teatrlandyrylǵan bı qoıylymyn tamashalady.