5 eldiń ǵalymdary Qajymuqannyń sportqa, mádenıetke sińirgen eńbegin talqylady
Aqmola oblysy Mádenıet, arhıvter men qujattamalar basqarmasy ótkizgen sharaǵa Qazaqstan, Reseı, Túrkııa, Majarstan, Qyrǵyzstannyń belgili ǵalymdary qatysty.
«Qajymuqan-aty ańyzǵa aınalǵan tulǵa. Ol Alpamys, Qobylandy, Bógenbaı, Qabanbaı syndy ejelgi dala alyptarynyń tarıhı jolyn jalǵastyrǵan adam. Qazaqstanda grek-rım kúresiniń qalyptasýy onymen baılanysty. Bizdiń uly jerlesimiz Qazaqstandy halyqaralyq arenada tanystyrdy. Aqmola óńirin dańqtap, Azııa, Eýropa, Amerıka jáne Afrıka qurlyqtaryn jaýlap alǵan balýannyń esimi tarıhqa endi», - dedi Aqmola oblysy ákiminiń orynbasary Aına Mysyrálimova.
Budan ári Qajymuqan Muńaıtpasovtyń ulttyq sport pen mádenıettiń damýyna yqpaly týraly Qazaqstan, Reseı, Túrkııa, Majarstan, Qyrǵyzstannyń belgili ǵalymdary baıandama jasady.
Aıta keteıik, sharaǵa ataqty sportshynyń nemeresi, ánshi, aqyn Baqytjan Qajymuqan arnaıy qonaq retinde qatysty.
Sondaı-aq, mereıtoıǵa oraı Qajymuqan Muńaıtpasovtyń jeke zattarynan «Álemdi bileginde oınatqan palýan» kórmesi uıymdastyryldy, Aqmola oblysy balýandarynyń qatysýymen sporttyq jarys ótti.
Qazaqstanda balýannyń esimimen kósheler, stadıondar, mamandandyrylǵan sport mektep-ınternattary, skverler atalǵan. Al Aqmola oblysynyń Tselınograd aýdanynda onyń týǵan aýylyna Qajymuqan esimi berilgen. 2011 jyly Kókshetaý qalasyndaǵy kóshelerdiń birine de aty ańyzǵa aınalǵan balýannyń esimi berildi. Budan bólek, Qajymuqan Muńaıtpasovtyń esimimen №3 oblystyq olımpıadalyq rezervtegi mamandandyrylǵan balalar-jasóspirimder mektebi, sondaı-aq sport mektebi ornalasqan sport kesheni atalady.
