5%-ben aýyl sharýashylyǵy tehnıkasyna ótinim qabyldaý bastaldy

ASTANA. KAZINFORM –  «QazAgroQarjy» AQ otandyq óndirýshilerdiń aýyl sharýashylyǵy tehnıkasyn 5%-ben satyp alýǵa «Jeńildikti lızıng» baǵdarlamasy boıynsha ótinimder qabyldaýdyń bastalǵany týraly habarlady. Baǵdarlamany júzege asyrýǵa memleket 100 mlrd teńge bóldi.

Aýyl sharýashylyǵy mınıstrligi baspasóz qyzmetiniń málimetinshe, «Jeńildikti lızıng» baǵdarlamasy otandyq óndiristiń jáne/nemese qurastyrýdyń aýyl sharýashylyǵy tehnıkasyn qarjylandyrýǵa baǵyttalǵan.

Baǵdarlamanyń sharttary: mólsherleme - jyldyq 5%, lızıng merzimi 7 jyldan aspaıdy, syıaqy mólsherlemesi - jyldyq 5 (bes)%, birinshi lızıngtik tólem - keminde 10 (on)%. Lızıng nysanasyn alǵannan keıin 2024 jylǵy 1 jeltoqsannan keshiktirmeıtin merzimde tóleý múmkindigi bar.

Jeńildetilgen baǵdarlama boıynsha ótinimderdi qabyldaý 17 maýsym kúni saǵat 14:00 bastalady.

«Klıent ótinim bergen kúnnen bastap 5 jumys kúni ishinde Telegram bot-qa «QazAgroQarjy» kompanııasynyń óńirdegi fılıalyna qujattardyń tolyq paketin usynýy qajet. Fılıaldardyń baılanys quraldary kompanııanyń www.kaf.kz saıtynda kórsetilgen», - delingen habarlamada.