5 balanyń ólimi: Aqtóbede jol-kólik apatyna sebepker júrgizýshi sottaldy
AQTÓBE. KAZINFORM — Samara-Shymkent tasjolynda júk kóligimen qarsy baǵytqa shyǵyp, jeńil kólikke soqtyǵysqan júrgizýshi sottaldy. Jol apaty kezinde 8 adam qaza tapsa, onyń beseýi bala.
Aqtóbe oblysynyń qylmystyq ister jónindegi mamandandyrylǵan aýdanaralyq sotynda 37 jastaǵy júrgizýshi Sergeı Solovevke qatysty sot úkimi shyqty.
Іs materıalyna súıensek, bıyl tamyz aıynda ol Samara-Shymkent baǵytyndaǵy jolda qarsy baǵytqa shyǵyp ketedi. Sol kezde qarama-qarsy kele jatqan «Toyota Ipsum» kóligimen soqtyǵysady. Kólik ishinde 7 jolaýshy bolǵan. Oqıǵa ornynda júrgizýshi men sol jolaýshylardyń bári kóz jumdy. Sot otyrysy kezinde sottalýshy bar kináni moıyndady.
— Sottalýshy Sergeı Solovev kináli dep tanylyp, oǵan 7 jylǵa kólik quralyn basqarý quqyǵynan jáne 5 jylǵa bas bostandyǵynan aıyrý jazasy taǵaıyndaldy, — dedi sýdıa Altynbek Sabyrov.
Sot jábirlenýshilerdiń talap aryzdaryn ishinara qanaǵattandyrdy. Sergeı Solovev 8 jábirlenýshige 55 mln teńge moraldyq shyǵyn óteýi tıis.
Eske salsaq, bıyl 7 tamyzda iri jol apaty boldy. Onda jeńil kólik ishinde bolǵan adamdar túgel kóz jumdy. Arasynda Mańǵystaý oblysyndaǵy jarysqa bala jatqan jas sportshylar boldy.