5 aılyq sábıin ashtan qatyrǵan bezbúırek ana 12,5 jylǵa bas bostandyǵynan aıyryldy
ASTANA. QazAqparat - Sankt-Peterbor qalasynyń Kırov aýdandyq soty 5 aılyq sábıin jabyq páterde ash qaldyrǵan Alena Ipatovany 12,5 jylǵa bas bostandyǵynan aıyrý týraly úkim shyǵardy, dep habarlady reseılik BAQ.
Ol jazasyn jalpy rejimdegi kolonııada óteıtin bolady.
Buǵan deıin memlekettik aıyptaýshy Ipatovany 19 jyl 5 aıǵa bas bostandyǵynan aıyrýdy suraǵan edi.
Tergeý materıaldaryna qaraǵanda, bezbúırek ana 2014 jyldyń 14 qańtarynda óziniń 5 aılyq balasyn bos páterde qaldyryp ketken. Eki apta ótkennen keıin, 27 qańtarda sábıdiń múrdesin onyń 66 jastaǵy atasy taýyp alǵan bolatyn. Dál osy kúni polıtsııa qyzmetkerleri jas kelinshektiń qolyna kisen saldy.
