5 aıǵy ereýil: Gollıvýd stsenarııshileri kelisimge keldi
Kınoındýstrııaǵa nuqsan keltirgen bes aı boıǵy ereýilden keıin Gollıvýd stsenarııshileri stýdııalarmen kelisimge kelgenin jarııalady. Bul olardyń jumysqa qaıta oralýyna múmkindik beredi. QazAqparat bul týraly Euronews-ke silteme jasap habarlaıdy.
«Bul barlyq saladaǵy kásipodaq stsenarııshileri úshin mańyzdy jetistik ári olardy qorǵaıtyn erekshe kelisim ekenin maqtanyshpen aıta alamyz», – delingen Gollıvýd stsenarıshileri odaǵynyń (WGA) hatynda.
Hatta kelisimniń egjeı-tegjeıi aıtylmaǵan. Degenmen, olar pysyqtalyp jatqany jáne túpkilikti sheshimdi WGA músheleri qabyldaıtyny jazylǵan.
«Gıldııa naqty ruqsat bermeıinshe, eshkim jumysqa oralmaýy tıis. Biz ereýildi jalǵastyramyz, biraq búginnen bastap WGA pıketterin toqtatamyz», - dep túsindirdi kásipodaqtan.
Gollıvýdta kınoındýstrııa salasy mamandarynyń narazylyq aktsııalary mamyr aıynyń basynda bastalǵan edi. Olar jalaqynyń kóterilýin jáne qosymsha jumystardyń tólenýin, sondaı-aq kıno óndirisinde jasandy ıntellektini qoldanýdy shekteýdi talap etti. Ereýilge Netflix jáne Disney sııaqty kompanııalar qosylyp, oıyn-saýyq ındýstrııasyna edáýir nuqsan keldi.
Atalǵan pıketterge baılanysty Emmy televızııalyq syılyǵyn tapsyrý rásimi kelesi jylǵa qaldyryldy.
Sondaı-aq mıtıngiler Gollıvýd ekonomıkasyn kúıretip jatqany da málim etilgen edi.
