5 aıdyń qorytyndysy boıynsha negizgi kapıtalǵa salynǵan ınvestıtsııalar kólemi 108,3 paıyzdy qurady - E.Dosaev
ASTANA. 11 maýsym. QazAqparat - 5 aı qorytyndysy boıynsha negizgi kapıtalǵa salynǵan ınvestıtsııalar kólemi 108,3 paıyzdy qurady.
Bul týraly búgin Úkimettiń selektorlyq rejimdegi otyrysynda 5 aıdyń qorytyndysy boıynsha Qazaqstannyń áleýmettik-ekonomıkalyq damýynyń aldan ala nátıjelerin baıandaǵan QR Ekonomıka jáne bıýdjettik josparlaý mınıstri Erbolat Dosaev aıtty.
Onyń atap ótýinshe, negizgi salalar boıynsha ónerkásiptegi ındeks kóleminiń ósimi 101,8 paıyzdy, aýyl sharýashylyǵynda 101,1 paıyzdy, saýdada 112,8 paıyzdy, kólikte 107 paıyzdy, al baılanysta 115 paıyzdy qurady. Qurylysta atalǵan kórsetkish 99 paıyzdy qurady jáne ótken jylmen salystyrǵanda ósim qarqyny tómen.
«5 aıdyń qorytyndysy boıynsha negizgi kapıtalǵa ınvestıtsııalar kólemi 108,3 paıyzdy, al tutynýshylyq baǵalar ındeksi 102,3 paıyzdy qurady»,- dedi ol.
