5 aıda elimizde ózen kóligimen 153 myń tonna júk tasymaldandy

NUR-SULTAN. QazAqparat - Osy jyldyń 5 aıynda elimizde ózen kóligimen 153 myń tonna júk tasymaldandy. Bul týraly QR Indýstrııa jáne ınfraqurylymdyq damý mınıstrliginen málim etti, dep habarlaıdy QazAqparat.

«Qazaqstanda keme qatynasy Ertis, Oral-Kaspıı jáne Іle-Balqash basseınderinde jalpy uzyndyǵy shamamen 3 262 shaqyrymdyq keme qatynasy ýchaskeleri boıynsha júzege asyrylady. Shlıýzderdiń apatsyz jumysyn qamtamasyz etý úshin 2020-2025 jyldarǵa arnalǵan «Nurly jol» memlekettik baǵdarlamasy aıasynda olarǵa kúrdeli jóndeý júrgizý kózdelgen. Bıyl osy maqsatqa bólingen 1,9 mlrd teńgeniń 52 paıyzy ıgerildi», - delingen mınıstrliktiń Telegram paraqshasynda jarııalanǵan aqparatta .

Vedomstvo málimetinshe, osy jyldyń 1 maýsymyna deıin ózen kóligimen júk tasymaldaý kólemi shamamen 153 myń tonnany qurady. Bul ótken jyldyń tıisti kezeńimen salystyrǵanda 7,8 paıyzǵa kóp.