5 aıda 25 epızod: Atyraýda tehnıkalardy jalǵa alyp, lombardqa ótkizgen eki áıel ustaldy
ATYRAÝ. KAZINFORM — Atyraý qalasynda alaıaqtyq jasady degen kúdikpen eki áıel ustaldy.
Polıtsııa málimetinshe, kúdiktilerdiń jasy 37 jáne 43-te. Olar 2025 jyldyń qazan aıynan 2026 jyldyń naýryz aıyna deıin qala turǵyndaryn júıeli túrde aldap kelgen.
Áıelder ınternet jelisindegi tehnıka jalǵa berý týraly habarlandyrýlardy taýyp, ıeleriniń senimine kirgen. Múlikti ýaqytsha paıdalanýǵa alamyz degen syltaýmen túrli tehnıkany alyp, keıin olardy lombardtarǵa ótkizip otyrǵan.
Túsken qarajatty ózara bólisip, jeke qajettilikterine jumsaǵan.
Qazirgi ýaqytta atalǵan derek boıynsha 25 epızod tirkelip otyr. Tergeý amaldary jalǵasyp jatyr.
Polıtsııa departamenti turǵyndardy alaıaqtyq áreketterden saq bolýǵa shaqyrady.
Mamandardyń aıtýynsha, mundaı jaǵdaılarǵa tap bolmas úshin:
- múlikti beıtanys adamdarǵa qujatsyz bermeý;
- mindetti túrde jalǵa berý týraly kelisimshart jasaý;
- jalǵa alýshynyń jeke basyn tekserý;
- kepilaqy talap etý;
- tek senimdi platformalardy paıdalaný qajet.
Buǵan deıin polıtsııa kıberqylmystyń jańa túri týraly eskertti.
