5 áskerı sot taratylyp, 34 sýdıa qyzmetinen bosatyldy - Joǵarǵy sot keńesi
Basqosýdyń qorytyndysy boıynsha, keńes músheleri 5 áskerı sotty taratý týraly sheshimge kelisimin berdi (Aqtaý, Qaraǵandy, Qostanaı, Taldyqorǵan, Óskemen garnızondary). Ondaǵy shtattyq laýazymdar jergilikti sottarǵa aýystyrylady.
Sonymen qatar, keńeste QR Joǵarǵy sotynyń qylmystyq ister jónindegi Alqasynyń tóraǵasy laýazymyna úmitkerdiń kandıdatýrasy maquldandy.
«Budan bólek, 34 sýdıa túrli sebeptermen atqaryp jatqan qyzmetinen bosatylatyn boldy. Onyń ishinde 17-si sýdıa bolyp qala beredi jáne basqa laýazymdarǵa taǵaıyndalady. Keńes otyrysynda sondaı-aq Joǵarǵy sot janyndaǵy Sot tóreligin júzege asyrý sapasy jónindegi komıssııa sheshimderine jáne Sot jıýrıiniń sheshimderine sýdıalardan túsken 6 shaǵym qaraldy. Olardy qaraý boıynsha 2 sýdıanyń shaǵymdary qanaǵattandyrylyp, qalǵan 4 sýdıa boıynsha sheshim óz kúshinde qaldy» delingen habarlamada.
Jıynda mamandandyrylǵan tergeý sottarynyń tóraǵalary men sýdıalarynyń bos oryndaryna ornalasýǵa 2018 jyly 21 jeltoqsanynda jarııalanǵan konkýrs qorytyndylandy. Nátıjesinde bos laýazymdarǵa 103 úmitker usynyldy. Onyń ishinde 31 adam tuńǵysh ret sýdıa qyzmetine usynyldy.
Keńes otyrysynyń qorytyndysy boıynsha tıisti sheshimder men usynymdar qabyldandy. Joǵary Sot keńesi qabyldaǵan sheshimder týraly naqty aqparat keńestiń saıtynda ornalastyrylady.
