5 arab eli álemniń eń jemqor elderiniń ondyǵyna endi
ASTANA. 4 jeltoqsan. QazAqparat - «Jemqorlyqty qabyldaý ındeksi 2013» reıtıngisine sáıkes álemniń eń korrýptsııaly 10 eliniń qataryna Somalı, Sýdan, Lıvııa, Irak jáne Sırııa sııaqty 5 arab eli enip otyr, dep habarlady Azan.kz Skynewsarabia-ǵa silteme jasap.
Jyl saıyn ótetin reıtıng memleketik sektordaǵy jemqorlyq deńgeıine sáıkes jasalady. Tizimdegi 177 eldiń basyna jemqorlyǵy az jaıylǵan elder jaıǵassa, sońǵy oryndarǵa naǵyz korrýptsııaly elder ornalasqan.
Tizimniń birinshi jáne ekinshi oryndarynda Danııa men Jańa Zelandııa tur. Bul elderdiń bıliginde jemqorlyqtyń tómen deńgeıi tirkelgen.
Fınlıandııa men Shvetsııa 3-oryndy bólisti, al besinshi orynnan Norvegııa kórindi.
Germanııa bir satyǵa kóterilip, ótken jylǵy 133-ornynan 12-orynǵa joǵarylady. Al Japonııa 19-orynnan 20-orynǵa túsip, áldeqaıda korrýptsııaly elge aınaldy.
AQSh pen Qytaı ótken jyldaǵydaı tizimniń 19 jáne 80 oryndarynda.
