5 aqpan kúni respýblıkanyń basym bóliginde aýa raıy turaqsyzdyǵy saqtalady - Qazgıdromet
ASTANA. QazAqparat - 5 aqpan kúni respýblıka aýmaǵynyń basym bóliginde burynǵysha atmosferalyq frontaldyq aǵyndardyń ótýine baılanysty aýa raıynyń turaqsyzdyǵy saqtalady, jer-jerlerde qar, boran, qatty jel, jekelegen aýdandarda tuman, kóktaıǵaq kútiledi. Bul týraly «Qazgıdrometke» silteme jasap, QR TJM baspasóz qyzmetinen habarlandy.
Atyraý, Qostanaı, Batys Qazaqstan, Aqmola, Aqtóbe, Soltústik Qazaqstan oblystarynyń keı jerlerinde burqasyndatyp, jel 15-20 m/s-qa kúsheıedi. Qostanaı oblysynyń keı jerlerinde tuman túsip, kóktaıǵaq bolady. Mańǵystaý oblysynda jel 15-20 m/s-qa kúsheıedi, keıbir aýdandarynda tuman, kóktaıǵaq bolyp, boran soǵady. Almaty, Shyǵys Qazaqstan oblystarynda, tańerteń jáne kúndiz Ońtústik Qazaqstan oblysynyń keı jerlerinde tuman bolady. Jambyl oblysynda jel 15-20 m/s-qa kúsheıedi, tuman túsedi.
