5 aqpan. QazAqparat kúntizbesi
ESTE QALAR OQIǴALAR
1945 jyly Almatyda alǵashqy qazaq konservatorııasy ashyldy.
2010 jyly Memleket basshysy Nursultan Nazarbaev «Qazaqstan Respýblıkasynyń keıbir zańnamalyq aktilerine memlekettiń jáne onyń menshiginiń ımmýnıteti, aralyq sottar jáne halyqaralyq kommertsııalyq tórelik qyzmetin jetildirý máseleleri boıynsha ózgerister men tolyqtyrýlar engizý týraly» Zańǵa qol qoıdy.
2010 jyly Máskeýde Qazaqstan Respýblıkasynyń Reseı Federatsııasyndaǵy elshiliginiń rezıdentsııasynda dańqty qolbasshy jáne jazýshy Baýyrjan Momyshuly týraly «Ańyzǵa aınalǵan batyr» kitabynyń tusaýkeseri boldy.
Jınaqta Baýyrjan Momyshulynyń Máskeý muraǵattarynda saqtalǵan, buryn jarııalanbaǵan jazbalary, suhbattary, sýretteri, sondaı-aq maıdanger-dostary - Málik Ǵabdýllınniń, Dmıtrıı Snegınniń estelikteri bar.
2014 jyly QR Prezıdenti Nursultan Nazarbaev Addıs-Abeba qalasynda (Efıopııa Federatıvti Demokratııalyq Respýblıkasy), Mehıko qalasynda (Meksıka Qurama Shtattary), Ál-Kýveıt qalasynda (Kýveıt memleketi) Qazaqstan Elshiligin ashý týraly Jarlyqqa qol qoıdy.
2014 jyly jas shahmatshy Jansaıa Ábdimálik FIDE reıtinginde 89-orynǵa kóterilip, alǵash ret álemniń úzdik shahmatshylarynyń «júzdigine» kirdi. «Júzdikke» kirgen 14 jasar Ábdimálik Dınara Sádýaqasovadan 15 saty alǵa shyǵyp, Qazaqstanda nómir birinshi shahmatshy atandy.
2015 jyly Túrkııada «Dünya» jetekshi ekonomıkalyq gazetiniń Qazaqstan Respýblıkasynyń jetistikterine arnalǵan «Qazaqstan» atty arnaıy sany jaryq kórdi. Munda Qazaqstannyń jetistikteri týraly aqparattyq-anyqtamalyq materıaldar men maqalalar, sonymen qatar QR Prezıdentiniń Qazaqstan halqyna Joldaýynyń negizgi qaǵıdalary jáne «Astana-EKSPO-2017» týraly aqparattar qamtylǵan.
2016 jyly Astanadaǵy QR Ulttyq mýzeıinde Qazaq handyǵynyń 550 jyldyǵyna arnalǵan «Máńgilik Aspan astynda» atty 10 serııaly ǵylymı-tanymdyq derekti fılmniń tusaýkeseri ótti.
Fılmdi QR Mádenıet jáne sport mınıstrliginiń tapsyrysy boıynsha Qazaq ǵylymı-zertteý mádenıet ınstıtýty men «Mergen» stýdııasy túsirdi. Bul biregeı joba N. Nazarbaevtyń «Ǵasyrlar toǵysynda» kitaby negizinde Qazaq handyǵynyń mereıtoıyna arnaıy daıarlandy. «Máńgilik Aspan astynda» fılminde eldiń basty tarıhı oqıǵalary barynsha qamtylǵan.
Fılmniń ár serııasy óz aldyna týyndy, ıaǵnı onda kóshpeli halyqtardyń ejelgi zamannan bergi dúnıetanymy jaıly, álemdik órkenıet , uly jetistikter men jańalyqtar, sondaı-aq ózge de qundylyqtar kópshilik nazaryna usynylyp otyr.