5-7 jyldan keıin mal sharýashylyǵy aýyl sharýashylyǵynyń lokomotıvine aınalady - birinshi vıtse-premer S. Ahmetov
ASTANA. 20 sáýir. QazAqparat - 5-7 jyldan keıin mal sharýashylyǵy aýyl sharýashylyǵynyń lokomotıvine aınalady. Bul týraly QR Premer-Mınıstriniń birinshi orynbasary S. Ahmetov aıtty.
«Bıyl Qazaqstan halqyna arnaǵan Joldaýynda Elbasy aýyl sharýashylyǵy daqyldaryn egý alqaptarynyń qurylymy men elimizdiń azyq-túlik qaýipsizdigin ártaraptandyrýǵa taǵy ber ret erekshe nazar aýdartty. Elbasynyń tapsyrmasyn oryndaý aıasynda Úkimet agroónerkásiptik keshenniń básekege qabilettiligin odan ári damytý úshin tıisti sharalardy qolǵa alǵan jáne jalǵastyrýda, - dedi S.Ahmetov Petropavldaǵy keńes barysynda.
Onyń sózine qaraǵanda, bıyl aýyl sharýashylyqty qoldaýǵa memleketten 69 mlrd. teńge bólinedi.
«Mal sharýashylyǵyn damytýda jetekshi qojalyqtar kóz jetkizgendeı, memleket mal sharýashylyǵyn qoldaý boıynsha teńdessiz sharalardy qolǵa alýda jáne biz asyl tuqymdy mal basy sanynyń kóbeıgenin, qandaı jańa qojalyqtar paıda bolyp jumysyn keńeıtip jatqandyǵyn kórip otyrmyz», - dedi birinshi vıtse-premer S.Ahmetov.
«Memlekettiń kórsetip otyrǵan júıeli qoldaýynyń arqasynda 5-7 jyldan keıin mal sharýashylyǵy aýyl sharýashylyǵynyń lokomotıvine jáne ózin-ózi retteıtin salaǵa aınalady», - dedi S. Ahmetov. - Degemen bul jerde mal dárigerligin damytý retinde qýatty súıenish kerek. Sondyqtan da biz Úkimette osy salanyń ári qaraı damýy men jetildirýi boıynsha máseleni qarastyrýdamyz.
