5-7-shi qyrkúıekte elordada tirek-qımyl apparatyna zaqym kelgen múgedek - sportshylar arasynda ústel tennısinen jarys ótedi

Bul týraly búgin «Nur Otan» partııasynyń Ortalyq apparatynda ótken arnaıy brıfıngte málim boldy.

Atalmysh sharany «Nur Otan» halyqtyq-demokratııalyq partııasynyń uıymdastyrýshylyq jáne aqparattyq qoldaýymen Týrızm jáne sport mınıstrliginiń Sport komıteti «Raqym et» múmkindikteri shekteýli adamdar bastamasyna qoldaý kórsetý» respýblıkalyq qoǵamdyq qory jáne Múgedekterdiń qazaqstandyq konfederatsııasymen birlesip uıymdastyrmaq.

«Nur Otan» partııasy Ortalyq apparaty jetekshisiniń orynbasary Muhtar Ermannyń aıtýynsha, chempıonat el Táýelsizdiginiń 20 jyldyǵy men 5-9 qazan aralyǵynda Shymkentte ótetin Qazaqstan Respýblıkasynyń paraolımpıada oıyndarynyń qarsańynda uıymdastyrylǵaly otyr. ıAǵnı sporttyq sharanyń basty maqsaty -eldegi paraolımpıada oıyndaryna qatysatyn sportshylardyń deńgeıin anyqtap, múmkindigi shekteýli adamdar arasynda sportty nasıhattaý jáne sporttyń qoǵam ómiriniń ajyramas bóligine aınaldyrý. Buǵan qosa sporttyq shara elimizde paraolımpıada qozǵalysyn jetildirýge zor yqpal etedi degen úmit bar.

Sondaı-aq M.Ermannyń sózine qaraǵanda, Memleket basshysy, «Nur Otan» partııasynyń Tóraǵasy Nursultan Nazarbaevtyń bastamalarynyń, sportqa jiti kóńil bólýiniń arqasynda Qazaqstanda bul sala erekshe serpinmen damýda. «Búginde quramynda 36 halyqaralyq dárejedegi sport sheberi men 143 Qazaqstan Respýblıkasynyń sport sheberi bar paraolımpıadashy sportshylar halyqaralyq dárejedegi sporttyq básekelerde elimizdiń mereıin ústem etip júr»,-deıdi M.Erman.