5-7 mamyr aralyǵynda QHA delegatsııasy sý tasqynynan zardap shekken Batys Qazaqstannyń aýdandaryna sapar jasaıdy
ASTANA. 5 mamyr. QazAqparat - 5-7 mamyr aralyǵynda Batys Qazaqstan oblysynyń sý tasqynynan zııan shekken aýdandaryn QHA Tóraǵasynyń orynbasary - Hatshylyq meńgerýshisi Eraly Toǵjanov bastaǵan respýblıkalyq etnomádenı birlestikterdiń basshylarynan turatyn Qazaqstan halqy Assambleıasynyń delegatsııasy aralaıdy.
Jumys sapary barysynda delegatsııa Oral qalasyndaǵy sý tasqynynan zardap shekken turǵyndarǵa arnalǵan 3 evakýatsııa pýnktinde bolady, Oral qalasy mańyndaǵy, Zelenov jáne Tasqala aýdandary eldi mekenderindegi sý shaıǵan aımaqtardy aralap, turǵyndarmen kezdesedi.
Sý tasqynynan zardap shekken eldi mekenderdi qalpyna keltirý boıynsha ári qaraı kómek kórsetýdi anyqtaý úshin oblys basshylyǵymen jáne jergilikti atqarýshy bılikpen jumys kezdesýleri josparlanǵan.
Sapar aıasynda delegatsııanyń M. Ótemisov atyndaǵy Batys Qazaqstan memlekettik ýnıversıtetiniń professorlyq-oqytýshylyq quramymen jáne stýdent jastarymen, oblystyq Qazaqstan halqy Assambleıasy aktıvimen jáne qoǵam ókilderimen kezdesýleri ótkiziledi.
Búgingi kúni Qazaqstan halqy Assambleıasynyń atynan respýblıkalyq jáne aımaqtyq etnomádenı birlestikter, zardap shekkenderge kómek retinde túrli baǵyttar boıynsha 17 mln. 700 myń teńgejınap, joldady.
Qazaqstan halqy Assambleıasy japa shekken aýdandarǵa sý shaıǵan ǵımarattardy qalpyna keltirý úshin qurylys materıaldaryn: eki vagon temir armatýra, bir vagon tsement, bir vagon qurylys bloktaryn jóneltedi.
Qazaqstan halqy Assambleıasynyń atynan Batys Qazaqstan oblysynda tótenshe jaǵdaıdan zardap shekkenderge materıaldyq qaıyrymdylyq kómek jınaý jalǵasýda.
Etnomádenı birlestikter qarjylaı kómek kórsetý jónindegi arnaıy qorǵa óz kómekterin aýdarýdy jalǵastyrýda. Batys Qazaqstan oblysyndaǵy sý tasqynan zııan shekkenderge kómek qarajatyn jınaý úshin ashylǵan qaıyrymdylyq esep shotynyń rekvızıtteri: «Qazaqstan halqy Assambleıasynyń qory» QQ, STN 620300316457, BIN 090240010377, shot nómiri KZ91319Y010003922591, BIK - ABKZKZKX. Astana qalasyndaǵy «BTA banki» AQ «Astana» fılıaly.
