5-6 naýryzda Astanada Qazaqstannyń 10-shy Ashyq qysqy arnaıy olımpıadasy ótedi
ASTANA. 3 naýryz. QazAqparat /Gúlmıra Álıakparova/ - 5-6 naýryz kúnderi Astanada Qazaqstannyń 10-shy Ashyq qysqy arnaıy olımpıadasy ótedi. Bul týraly QR Týrızm jáne sport mınıstrligi Sport komıtetinen habarlady.
Olımpıada BUU Balalar qory, QR Týrızm jáne sport mınıstrligi, Astana qalasynyń ákimdigi, Astana qalasynyń Salaýatty ómir saltyn qalyptastyrý ortalyǵy, «Qazaqstandaǵy Konako Fılıpps» pen Qazaqstannyń Ulttyq bankiniń qoldaýymen ótkizilgeli otyr.
Oǵan respýblıkanyń 12 oblysy men Astana jáne Almaty qalalarynan sondaı-aq, Reseıden zııatkerlik múmkindikteri shekteýli sportshylar qatysady. Konkı, shańǵy jáne florboldan ótetin týrnırlerge alǵashqy ret 250 atletshi qatysatyn bolady. Jarystar Respýblıkalyq velotrekte, «Alaý» shańǵy stadıonynda ótedi.
Óz kezeginde «Dýman» oıyn-saýyq kesheni qatysýshylarǵa kóńildi baǵdarlamalar usynatyn bolady. Sondaı-aq Olımpıada sheńberinde Respýblıkalyq balalardy ońaltý ortalyǵynda «Deni saý atlet» baǵdarlamasy uıymdastyrylyp, balalarǵa tegin medıtsınalyq tekserýler júrgiziletin bolady.
Olımpıadaǵa Eýropalyq-Eýrazııalyq aımaqtaǵy Speshıal Olımpıks keńsesiniń ókilderi arnaıy keldi.
Búgingi kúni 3,5 mln.-nan astam arnaıy sportshy olımpıadalyq oıyndardyń 33 túri boıynsha álemniń 170 elinde jattyǵyp, jarystarǵa qatysýda. Qazaqstanda erekshe qajettilikteri bar 153 000 bala ómir súredi. Speshıal Olımpıks qozǵalysy solardyń 15 myńyna sporttyń 18 túri boıynsha aınalysýǵa múmkindik berip otyr. 1991 jyldan bastap Qazaqstannyń qurama komandalary Eýropalyq jáne 10 ártúrli Búkildúnıejúzilik arnaıy olımpıadalyq oıyndarǵa qatysyp keledi.
