5 425 mektep joǵary jyldamdyqty ınternetpen qamtyldy – Oqý-aǵartý mınıstrligi

ASTANA. KAZINFORM – Elimizdegi mektepterdiń 69,6 paıyzy joǵary jyldamdyqty ınternetpen qamtyldy. Bul jaıynda Oqý-aǵartý mınıstrliginen málim etti.

«Oqý-aǵartý mınıstrligi Tsıfrlyq damý, ınnovatsııalar jáne aeroǵarysh ónerkásibi mınıstrligimen birlesip, mektepterdegi ınternetke qoıylatyn jańa talaptardy belgiledi. Qazir 400 oqýshysy bar mektepter úshin ınternet jyldamdyǵy keminde 20 Mbıt/s bolýy kerek. Eger oqýshylar sany kóp bolsa, onda ınternet jyldamdyǵy 20 oqýshyǵa 1 Mbıt/s esebimen artady.

Eger 2023 jyldyń basynda barlyq mektepterdiń 19 paıyzy ǵana (1,4 myń mektep) osy talaptarǵa sáıkes kelgen bolsa, 2023 jyldyń sońyna qaraı mektepterdiń 69,6 paıyzy (5 425 mektep) joǵary jyldamdyqty ınternetpen qamtyldy», - dep atap ótedi mınıstrlikten agenttiktiń resmı saýalyna oraı.

Vedomstvo málimetinshe, qazirgi tańda Oqý-aǵartý mınıstrligi Tsıfrlyq damý mınıstrligimen birlesip, orta bilim berý uıymdary úshin Starlink tehnologııalarymen aqparattyq-kommýnıkatsııalyq júıelerge keń jolaqty qoljetimdilikti qamtamasyz etý boıynsha pılottyq jobany jáne 2027 jylǵa deıing «Qoljetimdi ınternet» ulttyq jobasyn júzege asyryp jatyr.