5-11 mamyrdyń aralyǵynda Almatyda 7 baldan joǵary jer silkinisi kútilmeıdi - mamandardyń boljamy
ALMATY. 5 mamyr. QazAqparat /Aıgúl Turysbekova/ - 5-11 mamyrdyń aralyǵynda Almaty boljaýshylyq polıgonynyń aýmaǵyndaǵy silkinis oshaǵynda K13 energetıkalyq sanatyndaǵy (M 5,5 magnıtýdaly) MSK-64 seısmıkalyq baǵamy boıynsha 7 baldan joǵary jer silkinisi kútilmeıdi.
«Seısmologııa ınstıtýty» jaýapkershiligi shekteýli seriktestiginiń, «Seısmologııalyq tájirıbelik-ádistemelik ekspedıtsııa» mekemesiniń boljam jasaý komıssııasy 27 sáýir men 3 mamyrdyń aralyǵyndaǵy seısmologııalyq baqylaýlardyń materıaldaryn qarap shyqqannan keıin osyndaı qorytyndyǵa kelip otyr , - dep habarlady Almaty qalasynyń tótenshe jaǵdaılar departamentinen.
Atalǵan kezeńde bul aýmaqta jer silkinisi 1 mamyr kúni saǵat 08.31-de Almatynyń soltústigine qaraı 75 shaqyrym jerde - Qapshaǵaı kóliniń ońtústik jaǵalaýynda tirkelgen bolatyn.
Jer silkinisi aýmaqtyń seısmıkalyq aýdandastyrý kartasynyń 8 baldyq aýmaǵynda jáne 2011 jylǵa jasalǵan qysqamerzimdik boljam kartasynda kórsetilgen ýchaskege jaqyn jerde oryn alǵan. Dúmpýler Almatyda - 4 baldyq, Taldyqorǵanda 3-4 baldyq shamada sezilgen jáne olardyń sońynan birneshe aftershoktar bolǵan.
