4 mlrd dollarlyq kelisim: Donald Tramp Qasym-Jomart Toqaevty quttyqtady

ASTANA. KAZINFORM — AQSh prezıdenti Donald Tramp Qazaqstannyń Memleket basshysyn tarıhı kelisimmen quttyqtady. Bul týraly Donald Tramp Truth Social áleýmettik jelisinde jazdy.

— Men Qazaqstan Respýblıkasynyń asa qurmetti Prezıdenti Qasym-Jomart Kemeluly Toqaevpen tamasha áńgimeni jańa ǵana aıaqtadym. Olar temirjol jabdyqtaryn satyp alý boıynsha tarıhtaǵy eń iri kelisimge — 4 mıllıard AQSh dollaryna amerıkalyq lokomotıvter men temirjol jabdyqtaryn satyp alý týraly kelisimge qol qoıdy. Biz AQSh-taǵy temirjol salasyn qoldaýymyz qajet, óıtkeni ol kóptegen jyl boıy «jalǵan ekologtardyń» shabýylyna ushyrap keledi, — dep jazdy Tramp.

AQSh kóshbasshysy Qasym-Jomart Toqaevqa quttyqtaýyn joldady.

— Prezıdent Toqaevty osy iri satyp alýmen shyn júrekten quttyqtaımyn. Bul el de, búkil álem de senimdi ári kórkem temirjoldar negizinde órkendegen. Endi olar qaıta oralýda — tez qarqynmen! — dep túıindedi AQSh prezıdenti.

Aıta keteıik, buǵan deıin Nıý-Iork qalasyna sapary barysynda Qasym-Jomart Toqaev Donald Tramppen sóıleskeni habarlandy.