4G júıesiniń jıilikteri jaqyn arada «Qazaqtelekom» kompanııasyna beriledi - Baılanys jáne aqparat mınıstri
TANA. 3 qarasha. QazAqparat /Rýslan Ǵabbasov/ -4G júıesine negizdelgen jıilikter jaqyn arada aqyly negizde «Qazaqtelekom» kompanııasyna beriledi. Bul týraly búgin Astanadaǵy «Bilim júıesin aqparattandyrý» atty 5-shi Halyqaralyq forýmda Baılanys jáne aqparat mınıstri Asqar Jumaǵalıev málim etti.
«Búginde barsha oblys ortalyqtarynda 3G-tehnologııasy jumys istep jatyr. Sondaı-aq biz 4G aýqymdy jobasynyń bastaýyna taban tirep otyrmyz»,-dedi vedomstvo basshysy. Mınıstrdiń aıtýynsha, 4G júıesine negizdelgen jıilikter jaqyn arada aqyly negizde «Qazaqtelekom» kompanııasyna berilmek.
«Qazaqstanda Internetti paıdalanýshylar sany 41 paıyzǵa jetti nemese 6,7 mln. adamdy qurady. Bul kórsetkish qýantyp otyr. Sebebi, biz qysqa merzimde Internet júıesin belsendi túrde paıdalana bastadyq»,-dep atap ótti mınıstr. Forým barysynda B. Jumaǵalıev 2015 jylǵa qaraı Qazaqstannyń árbir azamaty keń jolaqty Internetpen qamtamasyz etiletinin jetkizdi.
