498 kásiporyn 410 kolledjge qamqorshylyq jasaıdy
NUR-SULTAN. QazAqparat – 498 kásiporyn 410 kolledjge qamqorshylyq jasaıdy. Bul jaıynda QR Oqý-aǵartý mınıstrliginiń baspasóz qyzmetinen málim etti, dep habarlaıdy QazAqparat tilshisi.
«Oqý-aǵartý mınıstrligi júrgizgen jumystyń nátıjesinde 498 kásiporynmen 410 kolledjge qamqorshylyq jasaý týraly memorandýmdar men kelisimderge qol qoıyldy», - dep atap ótedi mınıstrlikten.
Vedomstvo málimetinshe, qamqorlyq kórsetýshi kásiporyndar qamqorshylyq keńester men óndiristik keńesterge múshe bolyp, kásiporyn bazasynda pedagog kadrlardyń taǵylymdamadan ótýin uıymdastyrýǵa, kolledjderdi zerthanalyq qural-jabdyqtarmen qamtamasyz etýge, stýdentterdi odan ári jumyspen qamtý úshin kásiptik-óndiristik praktıkany uıymdastyrýǵa atsalysady.
«Qamqorlyq kórsetetin kásiporyndardyń bazasynda 300 myńnan astam stýdent kásiptik praktıkadan, 5 myńnan astam pedagog taǵylymdamadan ótti. Kolledjder qamqorlyq kórsetetin kásiporyndardyń qatysýymen 4 myńnan astam bilim berý baǵdarlamasyn jańartty», - delingen taratylǵan aqparatta.
Esterińizge sala keteıik, osy jyldyń basynda Memleket basshysy Kasym-Jomart Toqaev otandyq bıznes ókilderimen kezdesý barysynda iri kásiporyndarǵa kolledjderge qamqorlyq jasap, olardyń qamqorshylyq keńesterine kirýge, jastardy praktıkaǵa alýǵa, zerthanalar men sheberhanalardy jabdyqtaýǵa qatysýyn qamtamasyz etý kerektigin aıtqan bolatyn.
