480 mln. dollar telefon alaıaqtarynyń qolynda ketti
ASTANA. QazAqparat - Japonııada 2013 jyly telefon alaıaqtary 480 mıllıonnan astam dollardy jymqyrǵan.
Quqyq qorǵaý organdarynyń málimeti boıynsha, elde telefon alaıaqtarynyń arbaýyna túskenderdiń sany jyldan jylǵa artýda. 2013 jyldyń ózinde osyndaı 12 myń oqıǵa tirkelgen. Onyń 77 paıyzynda alaıaqtar qarttarǵa telefon arqyly qońyraý shalyp, jaqyn týystarynyń qıyn jaǵdaıda qalǵanyn aıtyp, shuǵyl aqsha jiberýin talap etetin bolǵan.
Ózindik rekord jasaǵan alaıaqtardyń arasynda tipti 130 mln. ıendi (1,26 mln. dollar) jymqyryp ketkenderi de bar. Sonyń biri Sıga prefektýrasynyń (Honsıý aralynyń ortalyq bóligi) 80 jastaǵy keıýanaǵa qońyraý shalyp, aqsha jibermese, temir torǵa toǵytylatynyn aıtyp qorqytqan. Odan záresi ushqan qart 20 mln. ıendi (194 myń dollar) oılanbastan bere salǵan. Ázirge japon polıtsııasyna qaskúnemdi qolǵa túsirýge múmkin bolmaı tur, dep habarlaıdy ITAR-TASS .
