48 saǵat ishindegi úshinshi oqıǵa: Air India ushaǵy qonǵannan keıin órtendi
ASTANA. KAZINFORM – Gonkongtan Nıý-Delıge ushyp bara jatqan Air India áýe kompanııasynyń ushaǵy Indıra Gandı atyndaǵy halyqaralyq áýejaıǵa qonǵannan keıin kóp uzamaı órtendi, dep habarlaıdy NDTV.
Áýe kompanııasynyń málimetinshe, órt shyqqany jolaýshylar ushaqtan shyǵyp jatqan kezde anyqtalǵan. Oqıǵa saldarynan eshkim zardap shekken joq.
Air India áýe kompanııasynyń habarlaýynsha, Airbus A321 ushaǵyna zaqym kelgen. Ushý tergeýge deıin toqtatyldy. Air India toǵyz qaýipsizdik erejelerin buzǵany úshin sońǵy alty aıda toǵyz eskertý aldy.
Bul áýe kompanııasy úshin sońǵy 48 saǵattaǵy úshinshi qaýipti oqıǵa boldy.
21 shildede Kochı-Mýmbaı reısi qoný kezinde ushý-qoný jolaǵynan shyǵyp ketken. Sol kúni Nıý-Delı-Kalkýtta reısi ushýyn sońǵy mınýtta toqtatty. Keıin áýe kompanııasy «tehnıkalyq aqaý» anyqtalǵanyn málimdedi.
Buǵan deıin Air India áýekompanııasynyń Boeing 787 Dreamliner ushaǵy Ahmedabad qalasyndaǵy Sardar Vallabhbhaıa Patela halyqaralyq áýejaıynan ushyp shyqqannan keıin kóp uzamaı apatqa ushyraǵanyn jazǵan bolatynbyz.