48 keliden asa esirtki, 842 dinı ádebıet: Shekara qyzmetiniń sáýir aıyndaǵy jumys nátıjeleri

ASTANA. KAZINFORM – Ulttyq qaýipsizdik komıtetiniń Shekara qyzmeti 2024 jyldyń sáýir aıynda atqarǵan isteriniń nátıjelerin jarııalady.

Baspasóz qyzmetiniń habarlaýynsha, UQK Shekara qyzmeti Memlekettik shekarany kúzetý men qorǵaýdy qamtamasyz etý isin quzyrly organdarmen ózara árekettese otyryp júzege asyrǵan.

Osylaısha olar 3 186 zań buzýshyny ustady. Olardyń ishinde 38 shetel azamaty shekarany buzyp, 29 shetel azamaty shekarany buzýǵa áreketten.

Memlekettik shekara arqyly qandaı da bir taýardy zańsyz alyp ótýdiń 1 342 faktisi anyqtaldy. Ony ishinde 49 fakti 780 keliden asatyn esirtki zattaryn alyp ótýge, 36 fakti atys qarýy men oq-dárilerdi alyp ótýge (17 dana jarylǵysh jumystar úshin komponentter, 3 dana atý, 3 dana zaqym keltirý jáne 17 dana sýyq qarýlary, 81 dana oq-dáriler), 38 fakti dinı ádebıetti ótkizýge (842 kitap) qatysty boldy. Sondaı-aq jalpy quny 12 mln teńgeden asatyn janar-jaǵarmaı materıaldaryn (133 tonnadan astam) 341 ret ótkizbek bolǵan. Quny 3,4 mlrd teńgeden asatyn halyq tutyný taýarlaryn ótkizýdiń 744 faktisi, 1,5 mlrd teńgeden astam shetel valıýtasyn ótkizýdiń 134 faktisi anyqtaldy.

Kaspıı akvatorııasynda 120 brakonerlik faktileriniń aldy alyndy. Onyń ishinde, 54 júzý quraldary, uzyndyǵy 244,6 km-di quraıtyn brakonerlik aýlaý quraldary, 226 (6 tonna) bekire tuqymdas balyqtar, 98 428 dana (61 tonna) taza tuqymdas balyqtar, 63 (1 tonna) ıtbalyq bar.

«Aldy alynǵan shyǵyn somasy 2,3 mlrd teńgeni quraıdy. Bul faktiler boıynsha materıaldar zań buzýshylardy jaýapua tartý úshin quqyq qorǵaý jáne sot organdaryna jiberildi»,-delingen UQK baspasóz qyzmeti.