4,7 mlrd teńge: Almatyda ınvestor esebinen Baým toǵaıy abattandyrylady

ALMATY. KAZINFORM — Almatyda Baým toǵaıyn abattandyrý jobasy bastaldy.

Almaty ákimdiginiń málimetinshe, qaladaǵy qurylys kompanııalarynyń biri Baým atyndaǵy toǵaıdy abattandyrý jobasyn qolǵa alyp, oǵan 4,7 mlrd teńge bóldi.

— Baým toǵaıy — aýmaǵy 137,7 gektar bolatyn qaladaǵy biregeı orman alqaby. Bul jer qaladaǵy sırek saqtalǵan tabıǵı landshaft pen alýan túrli aǵash túrlerin boıyna syıdyrǵan qundy jasyl aımaq sanalady. Abattandyrý jobasynyń maqsaty ekojúıege zııan keltirmeı, demalys pen serýenge arnalǵan ınfraqurylymdy jasaý, — dep habarlady ákimdikten.

Joba aıasynda toǵaı aýmaǵynda shaǵyn sáýlettik pishinder ornatylyp, serýen joldary men demalys aımaqtary jasalmaq. Odan bólek bir bóligi tynysh demalysqa arnalsa, ekinshi bóligi ekologııalyq aımaq retinde ınfraqurylymy shekteýli kúıde qalyp, tabıǵatty qorǵaý men ekologııalyq aǵartýǵa baǵyttalady.

Eske salaıyq, buǵan deıin Almatynyń Alataý aýdanynda eń úlken saıabaqtardyń biri salynatynyn jazǵanbyz.