475 myńnan astam memlekettik satyp alý rásimderi kameraldyq baqylaýmen qamtyldy

ASTANA. QazAqparat – Bıyl 10 trln teńge somasyndaǵy 475 myńnan astam memlekettik satyp alý rásimderi baqylaýmen qamtyldy. Bul týraly Úkimet otyrysynda Premer-Mınıstrdiń orynbasary – Qarjy mınıstri Erulan Jamaýbaev aıtty, dep habarlaıdy QazAqparat tilshisi.

«Bıyldyń 9 aıynda shamamen 10 trln teńge somasyna 475 myńnan astam memlekettik satyp alý rásimderi kameraldyq baqylaýmen qamtyldy. Tekserý qorytyndylary boıynsha 31 650 rásimge qatysty ereje buzý derekteri anyqtaldy, onyń ishinde memlekettik aýdıt nysandary atalǵan kemshilikterdi joıý týraly habarlamalardyń 93 paıyzyn oryndady», - dedi E. Jamaýbaev.

Onyń aıtýynsha, 1 851 aýdıtorlyq is-shara ótkizildi. Aýdıtpen shamamen 3,6 trln teńge bıýdjet qarajaty qamtyldy. 288 mlrd teńgege qarjy salasyndaǵy talaptardy buzý derekteri anyqtaldy.

Osy oraıda taýarlardy jetkizý, qyzmetterdi kórsetý jáne jumystardy oryndaý, bıýdjetke óteý jáne esepke alý jolymen 272 mlrd teńge somasyndaǵy atalǵan kemshilikter joıyldy. Aýdıt obektileri qyzmetin jetildirý jáne tıimdiligin arttyrý úshin 1 638 usynym berildi.