473 elordalyq bankrot dep tanyldy
Elordada 473 jeke tulǵa bankrot mártebesin aldy. Bul týraly Astana qalalyq memlekettik kirister departamenti Bereshektermen jumys basqarmasynyń basshysy Isabek Zaýytbekuly aıtty, dep habarlaıdy Kazinform.
«Ózderińiz biletindeı, 2023 jylǵy 3 naýryzdan bastap elimizde jeke tulǵalardyń bankrottyǵy boıynsha ótinishterdi qabyldaý bastaldy. Sol sátten bastap Astana qalasy boıynsha 4 383 ótinish tústi. Onyń ishinde 473 jeke tulǵaǵa qatysty rásim aıaqtaldy. ıAǵnı, olarǵa «bankrot» mártebesi berilip, bereshekteri esepten shyǵaryldy. 3 282 ótinish qaraý barysynda bas tartyldy. 28 ótinishti azamattardyń ózderi keri qaıtaryp aldy jáne 600 ótinish búgingi tańda qaralyp jatyr», - dedi ol Astana qalalyq kommýnıkatsııalar qyzmetindegi brıfıngte.
Onyń atap ótýinshe, protsedýra sottan tys bankrottyq, sot jáne tólem qabilettiligin qalpyna keltirý rásimderinen turady.
«Sottan tys bankrottyqty tek bankter, mıkroqarjy uıymdary jáne kollektorlyq agenttikter aldyndaǵy qaryzdar boıynsha qoldanýǵa bolady. Onyń sharttary bar. Birinshiden, boryshkerdiń qaryzy 5 mln 520 myń teńgeden aspaýy tıis. Ekinshiden, sońǵy 12 aı ishinde qaryzyn tólemeýi kerek. Úshinshiden, qandaı da bir ortalyq múlkiniń bolmaýy mindetti. Tórtinshiden, banktermen retteý is-sharalary júrgizilýi tıis», - dedi Isabek Zaýytbekuly.
Basqarma basshysy 6 aı ishinde ataýly áleýmettik kómek alýshylar men 5 jyldan astam bereshegi ótelmeıtin azamattar úshin erekshe jaǵdaılar qarastyrylǵanyn aıtady. Sottan tys bankrottyq «elektrondyq úkimet» portalynda bastalady. Sodan keıin aqparattyq júıe arqyly boryshkerdiń kiris krıterıılerine sáıkestigi turǵysynan memlekettik organdardyń derekterimen avtomatty túrde salystyrý júrgiziledi.
Ekinshi rásim – sot bankrottyǵy. Bul rásim barlyq kredıtor aldyndaǵy 1 600 AEK-ten astam borysh boıynsha júzege asyrylady. Ótinishti boryshker azamattyq ister jónindegi aýdanaralyq sotqa jazbasha túrde nemese elektrondyq qujat nysanynda beredi. Protsedýra 6 aıdan 12 aıǵa deıin sozylady. Sot Geıdar Álıev 6 mekenjaıynda ornalasqan.
«Eger jalǵyz turǵyn úı kepil nysanasy bolyp tabylsa, onda kredıtor ony sot bankrottyǵy barysynda alyp qoıýǵa quqyly. Eger jalǵyz turǵyn úı kepil bolmasa, nesıe berýshiler ony talap ete almaıdy», - dedi ol.
Onyń atap ótýinshe, úshinshi rásim – sotta qaryzdardy bólip tóleý múmkindigin kózdeıtin tólem qabilettiligin qalpyna keltirý. Bul rásimniń artyqshylyǵy – adam «bankrot» mártebesin ala almaıdy. Sondyqtan oǵan bankrot úshin qarastyrylǵan saldarlar qoldanylmaıdy.
