47 myń teńge para alǵan jambyldyq sheneýnikke 1,6 mln teńge aıyppul salyndy

NUR-SULTAN. QazAqparat - Jambyl oblysy Kóliktik baqylaý ınspektsııasy Memlekettik qyzmet kórsetý jáne uıymdastyrý-baqylaý jumysy bóliminiń basshysy paramen ustaldy, dep habarlaıdy QazAqparat Sybaılas jemqorlyqqa qarsy kúres agenttiginiń Jambyl oblysy boıynsha departamentine silteme jasap.

«Sybaılas jemqorlyqqa qarsy kúres agenttiginiń Jambyl oblysy boıynsha departamenti osy óńirdegi Kóliktik baqylaý ınspektsııasy Memlekettik qyzmet kórsetý jáne uıymdastyrý-baqylaý jumysy bóliminiń basshysy S. Qaınarbaevqa qatysty sotqa deıingi tergeýdi aıaqtady. Ol aýyr salmaqty jáne iri kólik quraldaryn Qazaqstan Respýblıkasy aýmaǵynda júrgizýge arnaıy ruqsat bergeni úshin 47 myń teńge para alǵan», - dep habarlady oblystyq departamenttiń baspasóz qyzmeti.

5 tamyz kúni Taraz qalasynyń №2 sotynyń úkimimen S. Qaınarbaevqa 1,6 mln teńge aıyppul taǵaıyndaldy.

«Aıyppul úkim óz kúshine engen sátten soń, 1 aı merzimde tólenýi tıis. Tólenbegen jaǵdaıda jaza bas bostandyǵynan aıyrý túrine aýystyrylady», - delingen habarlamada.

Sottalýshy ómir boıy memlekettik qyzmette laýazymdy qyzmet atqarý quqyǵynan aıyryldy.