4,7 mln-nan astam medıtsınalyq anyqtamalar elektrondyq formatta resimdeldi

ASTANA. KAZINFORM —  Eń joǵary suranysqa ıe 8 medıtsınalyq anyqtama túri tsıfrlandyryldy. 

Prezıdenttiń tapsyrmalaryn oryndaý úshin Qazaqstanda densaýlyq saqtaý salasynda tsıfrlyq tehnologııalar qarqyndy túrde engizilýde, bul júıeniń ashyqtyǵyn arttyrýǵa, medıtsına qyzmetkerlerine júktemeni azaıtýǵa jáne halyq úshin kórsetiletin qyzmetterdiń sapasyn jaqsartýǵa múmkindik beredi.

Elimizde jalǵan tirkeýlermen kúresý maqsatynda iske qosylǵan patsıentterdi tsıfrlyq sáıkestendirý jobasy nátıjesinde bıýdjetke 4,7 mlrd teńge únemdeldi. Face ID tehnologııasyn qoldaný negizsiz knegizsiz kórsetilgen medıtsınalyq qyzmetter sanyn 6%-ǵa qysqartýǵa múmkindik berdi.

Sonymen qatar eń joǵary suranysqa ıe 8 medıtsınalyq anyqtama túri tsıfrlandyryldy:

· 073/ý «Kólik quralyn basqarýǵa ruqsat berý»,
· 075/ý «Medıtsınalyq anyqtama»,
· 052-2/ý «Balanyń densaýlyq pasporty»,
· 026/ý «DKK qorytyndysy»,
· 069/ý «Sanatorıı-kýrorttyq karta»,
· 076/ý «Qarý ustaýǵa ruqsat alý»,
· 038/ý «Ýaqytsha eńbekke jaramsyzdyq týraly anyqtama».

Jyl basynan beri aqparattyq júıelerde 4,7 mln-nan astam osyndaı qujat tirkeldi. Qazirgi ýaqytta «eńbekke jaramsyzdyq paraqtaryn» qaǵaz túrinde qoldanýdy tolyqtaı alyp tastaý jumystary júrgizilýde. Medıtsınalyq aqparattyq júıelerdiń fýnktsıonaly ońtaılandyrylyp, medıtsına qyzmetkerlerine túsetin júkteme 40%-ǵa deıin azaıdy. Mańyzdy qadamdardyń biri – bıylǵy jyldyń qyrkúıeginen bastap jasandy ıntellekt negizindegi «dáriger kómekshisin» engizý, bul dıagnostıka úderisin ońtaılandyrýǵa jáne qatelikterdi barynsha azaıtýǵa múmkindik beredi.

Aıta ketelik elde ana ólimi tarıhı eń tómengi deńgeıge deıin tómendedi.