46-shy kenshini izdeý jumysy nege uzaqqa sozyldy – mınıstr jaýaby

Kostenko shahtasyndaǵy apattan qaza tapqan sońǵy kenshini denesin tabý uzaqqa sozylý sebebi aıtyldy, dep habarlaıdy Kazinform.

«Qutqarýshylar táýlik boıy, úzilissiz izdeý jumystaryn júrgizdi. Biz shahta astyna túsip, jaǵdaıdy qarap, qutqarýshylardyń jumys isteý jaǵdaıyn baǵaladyq. Jarylys saldarynan kóptegen tehnıka men jabdyqtar zaqymdanyp, úıindiler paıda boldy», - dedi Tótenshe jaǵdaılar mınıstri Syrym Sháriphanov Úkimet úıinde ótken baspasóz máslıhatynda.

Ol shahta astyndaǵy úıindilerdi tazartý, joldardy ashý, kenshilerdi izdeý jumysy qarbalas jaǵdaıda júrgenin atap ótti.

"Biraz kenshilerdiń denesi alǵashqy kúnderi tabyldy. Biraq 46-shy kenshini tabý óte qıynǵa soqty. Tek dene bólikteri ǵana tabyldy», - deıdi vedomstvo basshysy.

Buǵan deıin Kostenko shahtasyndaǵy apattan keıin 46 kenshiniń dene bólshekteri tabylǵany týraly habarlaǵan edik.