46 mln teńgeniń maly urlandy: Jetisýda baqtashy qamaýǵa alyndy
ASTANA. KAZINFORM — Eskeldi aýdanynyń turǵyny jaıylymnan 81 bas asyl tuqymdy iri qarasynyń 39-y qaıtpaǵanyn aıtyp, polıtsııaǵa aryzdandy. Keltirilgen shyǵyn 46 mıllıon teńgeden asty, dep habarlaıdy Polisia.kz.
Aryz túsken boıda polıtsııa qyzmetkerleri jedel-izdestirý sharalaryna kiristi. Sotqa deıingi tergep-tekserý barysynda jaǵdaıdyń mán-jaıy belgili boldy. Kúdikke maldy 17 jyl boıy baǵyp kelgen 45 jastaǵy baqtashy ilindi.
Jedel-tergeý áreketteriniń nátıjesinde baqtashynyń qylmysqa qatysy bary anyqtalyp, qamaýǵa alyndy. Qazirgi ýaqytta is boıynsha tergeý amaldary júrgizilip jatyr. Barlyq mal óz ıesine qaıtaryldy.
— Tártip saqshylary azamattardy qyraǵy bolýǵa, múlkin muqııat baqylaýǵa jáne kez kelgen kúmándi jaǵdaılar týraly ýaqytyly habarlaýǵa shaqyrady. Qoǵamdaǵy tártip pen qaýipsizdikti tek birlesken kúsh-jiger arqyly qamtamasyz etýge bolady, — delingen aqparatta.
Eske salaıyq, Batys Qazaqstan oblysynda mal urlyǵyn uıymdastyrǵan top quramynda veterınarlar bolǵan.
