458 878 otbasyǵa tabysyna qaramastan 141 mlrd teńge járdemaqy aýdaryldy
«2020 jyly bala kútimine baılanysty járdemaqy jalpy somasy 31,7 mlrd teńge kóleminde 120,9 myń adamǵa tólendi. Al 2021 jylǵa bul maqsatqa 26 mlrd teńge qarastyrylyp otyr. Onyń ishinde árbir balaly otbasyǵa bala týýyna baılanysty 6,8 mlrd teńge járdemaqy tólendi. Qazirgi ýaqytta elimizde 458 myńnan astam kópbalaly otbasy bar. Bul sanatqa kámeletke tolmaǵan 4 jáne odan da kóp balasy, onyń ishine 23 jasqa tolmaǵan, kúndizgi oqý bóliminde oqıtyn stýdentteri bar otbasylar qosylyp otyr», - dedi ol Ortalyq kommýnıkatsııalar qyzmetindegi brıfıng barysynda.
Onyń dereginshe, mundaı otbasylarǵa 2021 jyldyń 1 qańtarynan bastap tabysyna qaramastan tólenetin járdemaqy engizilgen. Tólemderdiń mólsheri bala sanyna baılnysty saralanǵan túrde tólenedi. 4 balaǵa 46 760 teńge, 5 balaǵa 58 457 teńge, 6 balaǵa 70 154 teńge, al odan keıingi balalardyń árqaısysyna 11 668 teńgeden beriledi. Bul tólem aı saıyn otbasynyń tabysyna qaramastan júrgiziledi.
«Osy jyldyń 6 aıynda atalǵan járdemaqy 458 878 otbasyǵa jalpy somasy 141 mlrd teńge kóleminde aýdaryldy. Munan basqa elimizde kópbalaly ardaqty analarymyz bar. Ardaqty analarymyzdy da áleýmettik qoldaý sharalary qarastyrylǵan. Analardyń abyroıy men bedelin arttyrý úshin tabysyna qaramastan Altyn alqa, Kúmis alqa ıegerlerine memlekettik járdemaqy taǵaıyndalady. Qazirgi ýaqytta járdemaq mólsheri 18 669 teńgeni qurap otyr. Atalǵan járdemaqy 231,3 myń batyr analarymyz alady. Jyl basynan olarǵa 25,8 mlrd teńge kóleminde qarajat tólendi», - dedi Asqar Nııazov.
