456 oqýshy koronavırýstan emdelip jatyr – Aıjan Esmaǵambetova

NUR-SULTAN. QazAqparat – Ortalyq kommýnıkatsııalar qyzmetinde ótken brıfıngte QR DSM Sanıtarlyq-epıdemıologııalyq baqylaý komıtetiniń tóraıymy Aıjan Esmaǵambetova kezekshi synyp oqýshylary arasynda qansha bala koronavırýspen aýyryp jatqany týraly aıtty, dep habarlaıdy QazAqparat tilshisi.

«Oqýdyń jańa formatyna kóshý sebebi – kezekshi synyptardyń oqýshylary arasynda aýrýshańdyqtyń tómendigi bolyp otyr. Ata-analardyń kópshiligi qazirgi kezde jumys isteıdi. Júrgizilgen monıtorıngtiń nátıjesi boıynsha mektepter oflaın jumys isteýge daıyn ekendigi anyqtaldy», - deıdi Aıjan Esmaǵambetova.

Onyń aıtýynsha, epıdemıologııalyq ahýal nasharlaǵan jaǵdaıda oqytý formaty boıynsha sheshimdi óńirlik bas memlekettik sanıtarlyq dárigermen birlesip ákimdik janyndaǵy óńirlik shtab qabyldaıtyn bolady.

«1 qyrkúıek pen 16 qarasha aralyǵynda kezekshi synyp oqýshylary arasynda koronavırýs dertimen aýyrǵan 302 jaǵdaı tirkeldi. Sondaı-aq, vırýstyq pnevmonııaǵa qatysty 1 jaǵdaı tirkeldi. Qazirgi ýaqytta 456 bala emdelip jatyr», - deıdi QR DSM Sanıtarlyq-epıdemıologııalyq baqylaý komıtetiniń tóraıymy Aıjan Esmaǵambetova.