4500-den asa qazaqstandyq QR QM áskerı-tehnıkalyq mektepterinde daıyndyqtan ótti (FOTO)
Daıyndyq Qorǵanys mınıstrliginiń mamandandyrylǵan uıymdarynda, ıaǵnı, áskerı-tehnıkalyq mektepterinde júrgiziledi. Qazir ol mektepter Qazaqstannyń 15 qalasynda bar. Іrikteý bir jyl boıy júrgiziledi. Úmitkerler medıtsınalyq komıssııadan ótedi, odan keıin 40 kúnge naǵyz áskerı qyzmetshige aınalady, qyzmet ótkeredi, áskerı isti zerdeleıdi. Daıyndyq atqysh, oqshasharshy, granataatqysh mamandyǵy boıynsha júrgiziledi. Bir jarym aılyq oqýdan keıin bitirý emtıhandary. Qyzmetti sátti atqarǵan jigitter áskerı mamandyq boıynsha biliktilik jáne sertıfıkatqa ıe bolady, sonyń negizinde Halyqqa qyzmet kórsetý ortalyqtary arqyly áskerı bılet beriledi. Áskerı komıssarıattar «qatardaǵy jaýynger» áskerı ataǵyn bere otyryp, árbireýin áskerı mindettiniń esebine (jumyldyrý rezervine) qoıady. Oqý kezeńinde oqý demalystary usynylady, sondyqtan árbir oqyp-úırenýshiniń jumys nemese oqý orny kepildi túrde saqtalady. 2013-2014 jyldary 10 000-nan asa qazaqstandyq aqyly qyzmet ótkerdi. Orta-Azııa óńiriniń elderi arasynda mundaı qyzmet Qyrǵyzstan men Ózbekstanda qoldanylyp júr.