450 pavlodarlyq pedagog attestattaýdan sátti ótti
PAVLODAR. QazAqparat - Pavlodar qalasy bilim berý bóliminiń ádistemelik kabınetimen bilim berý mekemeleri pedagogteriniń attestattaý jumystary nátıjesiniń materıaldary saraptama tobynyń qaraýyna usynyldy.
Bul týraly qalalyq bilim bólimi málim etti, habarlady dep habarlaıdy pavlodarnews.kz.
Materıaldardy zerttegen kezde júzege asyrýdaǵy eń nátıjeli joldaryn izdeýi, kásibı ósýin yntalandyrýy, muǵalimniń sheberlik deńgeıin arttyrýy eske alynady. - Pedagogıkalyq áreketiniń nátıjesin rastaý týraly qujattaryn qalanyń jalpy bilim berý mektepteriniń 450 pedagogi, onyń ishinde 326 - joǵary, 106 -birinshi sanatty, 18 pedagog merziminen buryn aldy. Sondaı-aq, 61 qosymsha bilim berý pedagogi, olardyń ishinen 42 - joǵary sanatqa, 19 - birinshi, jeteýi - merziminen buryn ıelense, 267 mektepke deıingi uıymdarynyń pedagogteri, onyń ishinde 71 - joǵary, birinshi sanatqa - 135, merziminen buryn - 61 muǵalim ıe boldy. Muǵalimderdi attestattaý sheńberinde qala mektepterinde ádistemelik kúnder, attestattaýdan ótetin pedagogtermen shyǵarmashylyq esepter, ashyq sabaqtar ótkizildi. Qalalyq jáne oblystyq sharalarda 450 attestattaýdan ótetin pedagog jumystaryn usyndy. Olarmen 381 sabaq, 43 sheber-saǵat, 24 oblystyq jáne qalalyq semınar, eki koýchıng uıymdastyryldy, - deıdi mamandar. Qalanyń bilim berý uıymdarynyń 64 pedagogi qala deńgeıinde, 15-i oblysta, jeteýi respýblıka deńgeıinde pedagogıkalyq tájirıbıeni taratty. Pedagogter áreketiniń attestattaýy boıynsha 450 muǵalimge, 61 qosymsha bilim berý pedagogterine, 267 mektepke deıingi mekemeleriniń qyzmetkerlerine saraptamalyq qorytyndylar berildi.
