45 jastaǵy Atyraý turǵyny «sómkemde bomba bar, jaryp jiberemin» dep eldi qorqytty
ATYRAÝ. QazAqparat – Atyraýda 45 jastaǵy azamat «sómkemde jarylǵysh zat bar, jaryp jiberemin» jalǵan habar bergen, dep habarlaıdy QazAqparat.
Budan buryn Atyraýda jumysynan shyǵyp qalǵan jigit kek alý úshin «zaýytqa bomba qoıyldy» dep habarlaǵanyn jazǵan edik.
«Polıtsııaǵa keshe, 1 tamyzda saǵat 21:45 shamasynda jarylǵysh zat týraly habar tústi. Osyǵan baılanysty polıtsııa qyzmetkerleri arnaıy jedel izdestirý is-sharasyn júrgizdi. Tekserý kezinde 1976 jyly týǵan azamattyń «Qolymda jarylǵysh zat salynǵan sómke bar, jaryp jiberemin» dep jalǵan habar bergeni anyqtaldy. Kúdikti sol sátte mas bolǵan», -dep habarlady oblystyq polıtsııa departamentiniń baspasóz qyzmeti.
Qazir polıtsııaǵa jalǵan habar bergen azamatqa qatysty QR Qylmystyq Kodeksiniń 273-babymen (terrorızm aktisi týraly kórineý jalǵan habarlaý) tergeý júrip jatyr.
