45 tulǵanyń qatysy bar «Qorǵas» boıynsha qylmystyq is sotqa tapsyryldy - Qarjy polıtsııasy

ASTANA. 11 sáýir. QazAqparat - «Qorǵas» jáne «Qaljat» keden beketterinde ekonomıkalyq kontrabandamen aınalysý jáne uıymdasqan qylmystyq qaýymdastyq qurý,

oǵan basshylyq etý jáne onyń qyzmetine qatysý faktileri boıynsha aıyptalýshylar men olardyń qorǵaýshylaryn qozǵalǵan qylmystyq istiń materıaldarymen tanystyrý protsedýrasy aıaqtaldy. Bul týraly Qarjy polıtsııasynyń baspasóz qyzmetinen málim etti.

Aǵymdaǵy jylǵy 3 sáýirde 1575 tomdy quraıtyn qylmystyq istiń materıaldary ári qaraı sotqa tapsyrý úshin aıyptaý qorytyndysymen Almaty qalasynyń prokýratýrasyna joldandy.

11 sáýirde qylmystyq is materıaldaryn máni boıynsha qaraý úshin Mamandandyrylǵan áskerı sotqa jiberý bastaldy.

Bul qylmystyq ister boıynsha aıyptalýshy retinde 45 tulǵa ótip otyr, olardyń 42-si qamaýda, 3-eýine qatysty eshqaıda shyqpaý týraly bultartpaý sharasy taǵaıyndalǵan.

Budan basqa, 19 adam izdeýge jarııalanǵan, olarǵa qatysty qylmystyq is materıaldary jeke óndiriske shyǵaryldy.