45 myńǵa tarta jumyssyz «Jumyspen qamtý» baǵdarlamasyna qatysty

ASTANA. QazAqparat - Aǵymdaǵy jyly «Jumyspen qamtý 2020» baǵdarlamasyna 78 myńnan astam adam qatysty. Onyń 45 myńǵa jýyǵy jumyssyzdar. Bul týraly QR Prezıdenti janyndaǵy Ortalyq kommýnıkatsııalar qyzmetinde ótken baspasóz máslıhaty barysynda QR Densaýlyq saqtaý jáne áleýmettik damý vıtse-mınıstri Birjan Nurymbetov málim etti.

Vıtse-mınıstrdiń sózine qaraǵanda, bıyl «Jumyspen qamtý 2020» baǵdarlamasyna 78,4 myń adam qatysqan, onyń ishinde jumyssyzdar sany 44,9 myń nemese barlyq qatysýshylardyń 57,3 paıyzyn qurap otyr. Al qatysýshylardyń  25,3 myńy nemese 32,2 paıyzy - ózin-ózi jumyspen qamtyǵandar, sonymen qatar, ishinara jumyspen qamtylǵandar 750 adam nemese 1 paıyzǵa teń.

«Baǵdarlamaǵa qatysýshylary arasynda az qamtylǵan azamattar úlesi 3 myń 340 adam, sonyń ishinde 2 myń 594 múmkindigi shekteýli azamattar bar. Sonymen qatar, 29 jasqa deıingi jastardyń úlesi 36 myń 206 adamdy nemese  46,2 paıyzdy qurap otyr. 45,8 paıyzy nemese 35 myń 968 adam - áıelder», - dedi B. Nurymbetov.

Onyń sózine qaraǵanda, qazirgi tańda elimizdegi ekonomıkalyq belsendi halyqtyń sany 8 mln 907 myń adamdy quraıdy. Al jumyssyzdyq deńgeıi 5 paıyz shamasynda.