45 myń teńge para alǵan qyzmetkerge 2,7 mln teńge aıyppul salyndy
Óskemen qalasynyń № 2 soty kásipkerden tekserý júrgizbeý úshin para alǵan tótenshe jaǵdaı departamentiniń ókiline qatysty úkim shyǵardy.
Kásipkerlik nysanda órt shyqqanyna baılanysty azamattyq qorǵanys kapıtany onda tekserý júrgizýi tıis bolǵan. Onyń ornyna órt sóndirý qyzmetiniń ókili 45 myń teńge para talap etken.
Sot ony alǵan parasynyń 60 esesin tóleýge mindettedi. Sondaı-aq, memlekettik qyzmetten birjola shettetilip, azamattyq qorǵanys kapıtany sheninen aıyrdy.
«Vostokvtorremont» JShS-de órt shyqqany týraly dıspetcher pýltine dabyl túsken. Qoldanystan shyǵarylǵan vagondy kásipker qoıma retinde paıdalanyp kelgen. Órt sóndirý jasaǵyn bastap kelgen kapıtan qyzyl jalynnyń tutaný sebebi qaýipsizdik erejelerin saqtamaýdan bolǵanyn anyqtaıdy. Kásipkerge ol týraly hattama toltyratynyn aıtyp, nysan quzyrly organnyń turaqty tekserýine alynatynyn eskertedi. Al isti «jabý» úshin 45 myń teńge tóleýge bolatynyn aıtady. Bul oqıǵany kásipker sybaılas jemqorlyqpen kúres qyzmetine habarlaǵan. Kúdikti para alyp jatqan jerinde ustalǵan. Sot sheshimi áli kúshine engen joq», - delingen №2 qalalyq sottyń baspasóz qyzmeti taratqan málimette.