«45 mln teńgege 3 páter alyp beremin»: Almaty turǵynyn aldaǵan atyraýlyq áıel ustaldy

ATYRAÝ. QazAqparat – Atyraý turǵyny almatylyqty 45 mln teńgege 3 páter alyp beremin dep aldaǵan. Qazir alaıaq qamaýǵa alyndy, dep habarlaıdy QazAqparat.

Oblystyq polıtsııa departamentiniń baspasóz qyzmetinen málim etkendeı, 18 naýryzda Almaty qalasynyń 40 jastaǵy turǵynynan shaǵym túsken.

«Polıtsııaǵa shaǵymdanǵan almatylyq óziniń aldanǵany týraly aıtqan. Jábirlenýshiniń aıtýynsha, ony 44 jastaǵy áıel Atyraý qalasyndaǵy elıtalyq úılerden 3 páter alyp beremin dep sendirgen. Sóıtip, jábirlenýshiniń 45 mln teńgesin ıemdenip alǵan. Polıtsııa qyzmetkerleri jedel izdestirý jumystaryn júrgizip, alaıaqtyqpen aınalysqan 44 jastaǵy atyraýlyq áıeldi anyqtady. Kúdikti ustalyp, qamaýǵa alyndy», -dep habarlady departamenttiń baspasóz qyzmeti.

Qazir ustalǵan alaıaqqa qatysty QR Qylmystyq Kodeksiniń 190-babymen (Alaıaqtyq) qylmystyq is tirkelip, tergeý bastaldy.

Eske sala ketelik, budan buryn Atyraýd kúıeýbala atasynyń atyna 4 mln teńegeden asa nesıe rásimdegenin jazǵan bolatynbyz.